Gujarati News

       આટકોટ ::::  જસદણનાં આટકોટ ખાતે ગાયત્રી નગરમાં રહેતા મનસુખભાઈ રવજીભાઇ રામાણી ઉ.વર્ષ 50 અને સાણથલી ગામના હરેશભાઈ બાબુભાઈ વોરા ઉ.વર્ષ 40 ને કોરોના પોઝીટીવ આવતા તંત્રમા દોડધામ મચી ગઇ છે.

       મનસુખભાઈ 10 દિવસ પહેલા સુરતથી આટકોટ  આવ્યા હતા.4 દિવસ પહેલા તેમના પત્નીનો કોરોના રીપોર્ટ નેગેટીવ આવ્યો હતો પરંતુ ગઇકાલે રાત્રે તેમના પત્નીનુ અવસાન થયું હતું.

        આજે સવારે તેમની અંતિમ વિધિ કરવામાં આવી હતી જેમાં મનસુખભાઈ સહિતનાં પરીવાર જનો જોડાયા હોય તેમને પણ કોરોનટાઇન કરવાની નોબત આવી પડતા આટકોટમાં ભય ફેલાઈ ગયો છે.

        સાણથલીનાં હરેશભાઈ તેમના વ્યવસાયને લઇને બહાર આવતા જતા હોય તેમને પણ કોરોના પોઝીટીવ આવતા તંત્રમા દોડધામ મચી ગઇ છે.