Gujarati News

Gujarati News

News of Friday, 13th July 2018

બાબરા જીઆઇડીસી બારદાન ગોડાઉનમાં આગ : ૧પ લાખના બારદાન ખાખ

બાબરા, તા. ૧૩ : નીલવડા રોડ જીઆઇડીસી વિસ્તારમાં આવેલા મહાદેવ ટ્રેડીંગ નામક વ્યાપારી પેઢીના બારદાન ભરેલા ગોડાઉનમાં આગ લાગવાથી લાખોનું નુકશાન થવાનો અંદાજ થયો છે. બનાવના પગલે વ્હેલી સવારથી બાબરા નગરપાલિકાનું ફાયર ફાઇટર કામે લાગ્યું હતું અને વધુ બે ફાયર ફાઇટરો બોલાવવા પડયા હતા.

પ્રાથમિક માહિતી મુજબ વેપારી પેઢીના ગોડાઉનમાં ૩૦ હજાર ઉપરાંતના બારદાન (ખાલી કોથળા) પડયા હતાં. ગત મોડીરાત્રીના ઇલેકટ્રીક શોક સર્કીટના કારણે આગ લાગી હોવાનું માનવામા આવી રહ્યું છે. આગ અંગે વહેલી સવારે પ વાગ્યે જાણ થતા પેઢી માલીકો દોડી આવ્યા હતાં.

સ્થાનિક પોલીસ તંત્ર દ્વારા પેઢી માલીક મેહુલભાઇ મનસુખભાઇ ત્રિવેદીના નિવેદન આધારે પ્રાથમિક તપાસ હાથ ધરવામાં આવી છે. અંદાજીત ૩૦ હજાર નંગ બારદાન બળી જતા રૂ. ૧પ લાખનું નુકસાન થયું છે.

(3:50 pm IST)
  • અમદાવાદમાં પ્લાસ્ટિકના પાણીના પાઉચના ઉત્પાદન અને વેચાણ પર પ્રતિબંધ મૂકતા AMCના નિર્ણયને હાઇકોર્ટની બહાલી:પાઉચનું ઉત્પાદન કરનારા મેન્યુફેક્ચરર્સની અરજી હાઇકોર્ટે ફગાવી: કેન્દ્ર સરકારના નોટિફિકેશન GPCB અને રાજ્ય સરકારની રજુઆતોને સાંભળ્યા બાદ કોર્ટે અરજી અમાન્ય રાખી access_time 8:30 pm IST

  • રાજકોટ:ગોંડલ તાલુકાના પાટીયાળી ગામ નજીક આવેલ મોતીસર ડેમ ઓવરફલો: પાટીયાળીથી રાજકોટ જતાં માર્ગ ઉપર નાલાનું ધોવાણ: ગોંડલના હડમતાળા ગામે ભારે વરસાદને કારણે ચેકડેમો તૂટ્યાં:ગોંડલના રાણસીકી ગામની કમોતડી નદીમાં પુર સાથે બે કાંઠે access_time 11:23 pm IST

  • રાજકોટના શાપર વેરાવળમાં વધુ વરસાદને કારણે પાળ ગામની નદીમાં ઘોડાપુર:PGVCL ના અનેક થાંભલાઓ ધ્વસ્ત : મવડી ગામના લોકો નદીના ઘોડાપુરને જોવા ઉમટ્યા access_time 11:23 pm IST