Gujarati News

Gujarati News

News of Thursday, 13th May 2021

મોરબી જીલ્લા પંચાયતના પૂર્વ પ્રમુખના ભાઇ પાસે મતની સરસાઇ બાબતે પૈસાની ઉઘરાણી ધમકી

(પ્રવિણ વ્યાસ દ્વારા) મોરબી, તા. ૧૩ : સરવડ ગામે જીલ્લા પંચાયતની ચુંટણી વખતે થયેલ સોદાબાજી બાબતે પૈસાની ઉધરાણી કરી ફોન પર તેમજ  રૂબરૂ ગાળો આપી જાનથી મારી નાખવાની ધમકી આપી હોવાની ફરિયાદ માળિયા પોલીસ મથકમાં નોંધાઈ છે.

મળતી માહિતી મુજબ મોરબીના રવાપર રોડ પર આવેલ વ્રજસોસાયટીમાં રહેતા મહેન્દ્રભાઈ પ્રેમજીભાઈ  ચીખલીયા(ઉ.૪૦)એ માળિયા પોલીસમાં ફરિયાદ નોંધવી છે કે આરોપી પરબતભાઈ ભવાનભાઈ હુંબલ રહે ્રહાલ મોરબી મૂળ મોટા દહીસરા વાળા જીલ્લા પંચાયતની સામાન્ય ચુંટણી વખતે અપક્ષ ઉમેદવાર તરીકે ઉભા હોય જેને ફરિયાદી મહેન્દ્રભાઈ ચીખલીયાએ અપક્ષ ઉમેદવાર તરીકે આ સીટ પરથી એક હાજર મત પણ મેળવવા અઘરા છે તેમ કહેતા ફરિયાદી મહેન્દ્રભાઈ તથા આરોપી પરબતભાઈ વચ્ચે મતની સરસાઈ બાબતે રૂપિયા એકલાખની શરત લગાવેલ જે આરોપી પરબતભાઈ વધુ મત મેળવી શરત જીતી જતા ફરિયાદી મહેન્દ્રભાઈ પાસે નક્કી થયા મુજબના એક લાખ રૂપિયાને બદલે દસલાખની માંગણી કરતા રકજકના અંતે રૂપિયા સાત લાખ આપી દેવાનું નક્કી થતા જે રૂપિયા મેળવવા આરોપી પરબતભાઈએ દબાણ કરી અવારનવાર ફરિયાદી મહેન્દ્રભાઈ તથા સાહેદોને રૂબરૂ તથા મોબાઈલ ફોન પર ગાળો આપી જાનથી મારી નાખવાની ધમકી આપી રૂપિયા એક લાખ ફરિયાદીના ભાઈ સાહેદ કિશોરભાઈ પાસેથી બળજબરીથી કઢાવી લઇ બાકીના રૂપિયા છ લાખ આપી દેવા દબાણ કરતા હોવાની ફરિયાદ માળિયા પોલીસમાં નોંધાઈ છે તો માળિયા પોલીસે ફરિયાદ નોંધી વધુ તપાસ હાથ ધરી છે.

લીલાપર રોડ પર ર બોટલ સાથે ઝડપાયો

મોરબી સીટી એ ડીવીઝન પોલીસ ટીમ પેટ્રોલીગમાં હોય દરમિયાન લીલાપર રોડ પરથી આરોપી કાનજી ડાયાભાઇ જોગીયાણી રહે ભવાની ચોક નાની બજાર મેઈન રોડ મોરબી વાળાને ઝડપી લઈને આરોપી પાસેથી ઈંગ્લીશ દારૂની બોટલ નંગ ૨ કીમત રૂ ૬૦૦ નો મુદામાલ જપ્ત કરી કાયદેસર કાર્યવાહી હાથ ધરી છે.

(11:55 am IST)