Gujarati News

ધોરાજીમાં ધોરણ-11માં અભ્યાસ કરતી વિદ્યાર્થીનીએ આપઘાત કર્યો છે. વિદ્યાર્થીનીએ એક સ્યુસાઈડ નોટ લખી છે, જેમાં પિતાથી નારાજ થઈને આપઘાત કર્યો હોવાનો ઉલ્લેખ છે. રાજકોટમાં ધોરાજીમાં ધોરણ-11માં અભ્યાસ કરતી વિદ્યાર્થીનીએ પિતાથી નારાજ થઈને આપઘાત કરી લેતા ચકચાક મચી છે. ધોરાજીની રોયલ સ્કૂલમાં અભ્યાસ કરતી વિદ્યાર્થીએ હોસ્ટેલમાં જ ગળે ફાંસો ખાઈની આપઘાત કર્યો છે.

મૃતક વિદ્યાર્થીની પાસેથી એક સ્યુસાઈડ નોટ મળી આવી છે, જેમાં તેણે પિતાથી નારાજ થઈને આપઘાત કર્યાનો ઉલ્લેખ કર્યો છે. ઉપરાંત પિતા તેને દિકરી ન સમજતા હોવાનો અને વારંવાર ગુસ્સો કરતા હોવાથી પણ સ્યુસાઈડ નોટમાં ઉલ્લેખ કરાયો છે. આ બનાવની જાણ થતાં જ પોલીસ ઘટના સ્થળે પહોંચી હતી અને પોલીસે સ્યુસાઈડ નોટના આધારે ફરિયાદ નોંધી તપાસ હાથ ધરી છે.

મૃતક યુવતીની સ્યુસાઈડ નોટમાં લખ્યું છે, “પપ્પા મારા મરવાનું એક જ કારણ છે કે, તમે મને ક્યારેય પોતાની દિકરી સમજી ન હતી અને બસ ઓર્ડર અને ગુસ્સો કરતા હતા. મારા મરવા પાછળ મને એક બાનો અફસોસ છે, જેમને મને મા અને બાપ બંનેનો પ્રેમ આપ્યો. સોરી ડેડી… આઈ હેટ યુ પાપા”