Gujarati News

મોરબી જીલ્લામાં આપઘાતના બનાવો ચિંતાજનક હદે વધી રહ્યા છે જેમાં યુવાનો ઉપરાંત આધેડ વયના પીઢ લોકો પણ વિવિધ સમસ્યાથી કંટાળી જઈને આયખું ટૂંકાવી લેતા હોય છે જેમાં વાવડી રોડ પર રહેતા ૫૧ વર્ષના આધેડે લોનના હપ્તા નહિ ચૂકવી સકતા એસીડ પી લેતા મોત થયું હતું
મોરબીના વાવડી રોડ પર ગાયત્રીનગરના રહેવાસી મગનભાઈ લક્ષ્મણભાઈ ધૂળકોટીયા (ઉ.વ.૫૧) નામના આધેડે એસીડ પી લેતા સારવાર માટે રાજકોટ ખસેડાયા હતા જ્યાં સારવાર દરમિયાન આધેડનું મોત થયું હતું
બનાવ મામલે પોલીસ પાસેથી પ્રાપ્ત વિગતો મુજબ મૃતક મગનભાઈ ધૂળકોટીયા એ રહેણાંક મકાન પર હોમ લોન લીધી હોય અને ગોલ્ડ લીન લીધેલી હોય જેના હપ્તા ભરવાના હોય પરંતુ તેની પાસે રૂપિયા ના હોવાથી કંટાળી જઈને એસીડ પી લીધું હતું અને સારવારમાં મોત થયું હતું મોરબી એ ડીવીઝન પોલીસે બનાવની નોંધ કરી વધુ તપાસ ચલાવી છે.