Gujarati News

જામનગરરાજકોટ હાઇવે પર આજે જાયવા નજીક ભરબપોરે એસન્ટ કારે પલ્ટી મારતા સામેથી આવતા જ્વલનશીલ પ્રવાહી ભરેલા ટેન્કર પણ પલ્ટી મારવાની ઘટના બની હતી.

જામનગર-રાજકોટ હાઇવે પર આજે બપોરે 2.30વાગ્યા આસપાસ સેલવાસથી જામનગર રિલાયન્સમાં આવતો GJ-12-AY-9081 નંબરનું દેવજીભાઈ આહીરનું લિક્વિડ ભરેલું ટેન્કર પલ્ટી મારી ગયું હતું. જાયવા ગામ નજીક ધ્રોલ તરફ સામેથી આવતી GJ-3-CE-8596 નંબર એસન્ટ કારે અચાનક પલ્ટી મારતા આ ટેન્કરની સામે આવી ગઈ હતી.જેથી અકસ્માત સર્જાતા ટેન્કરમાંથી SR નામનું જ્વલનશીલ પ્રવાહી લીકેજ થતા દોડધામ મચી ગઇ હતી. અને વાહનવ્યવહાર ખોરવાયો હતો.

આ ઘટનાને પગલે ધ્રોલથી ફાયર બ્રિગેડ અને પોલીસ ટુકડી ઘટના સ્થળે દોડી ગઈ હતી.અને લિકવિડ લીકેજ અટકાવવા કવાયત આદરી છે. જ્યારે આ ઘટનાને પગલે સ્થાનિક પોલીસે વાહન વ્યવહાર પૂર્વવત કરાવવા મથામણ આદરી છે. આ ઘટનામાં સદ્ભાગ્યે કોઈ જાનહાની થઇ ન હતી.(તસવીરો:કિંજલ કારસરીયા, જામનગર)