Gujarati News

Gujarati News

News of Thursday, 12th July 2018

પૂર્વ કચ્છના ૧૬ પોલીસની જિલ્લા બહાર બદલી

શિકરા દારૂ પ્રકરણમાં બુટલેગર સહિતનાની પૂછતાછ બાદ

ભુજ તા. ૧૨ : થોડા સમય પહેલા પૂર્વ કચ્છમાં બોર્ડર રેંજનાં આઈજીના સેલ દ્વારા શિકરામાથી ૩૪ લાખની માતબર રકમનો દારૂ પકડવામાં આવ્યો હતો. જેમાં જે તે સમયે તો પીઆઇ ગોઢાણીયા સહિત ૩ ને સસ્પેન્ડ કરાયા હતા અને અન્ય પોલીસ કર્મીઓની બદલીઓ કરવામાં આવી જ હતી. પરંતુ હવે આ દારૂ પ્રકરણમાં વધુ સોળ જેટલા પોલીસ કર્મચારીઓની પૂર્વ કચ્છ જિલ્લા બહાર ગૃહ વિભાગના આદેશથી બદલીઓ કરી દેવામાં આવી છે.

સમગ્ર પ્રકરણમાં ચોંકાવનારી વાત એ છે કે ઉચ્ચ કક્ષાએથી કરવામાં આવેલી આ તપાસમાં માત્ર પોલીસે કર્મચારીઓ જ નહીં પરંતુ બુટલેગરોની પણ ખાનગીમાં પૂછપરછ કરાઈ હતી. અને તેમાં બુટલેગરો દ્વારા સંડોવાયેલા પોલીસવાળાના નામ આપી દેતા મામલો ગાંધીનગર સુધી પહોંચ્યો હતો. જેમાં હવે જિલ્લા બહારના ટ્રાન્સફરના હુકમ કરવામાં આવ્યા છે.

સુત્રોનું માનીએ તો સમગ્ર મામલામાં બોર્ડર રેન્જ આઈજી પિયુષ પટેલ દ્વારા શરૂઆતથી જ શિકરા દારૂ પ્રકરણમાં કડક કાર્યવાહીનો અંદેશો આપી દઈને ભચાઉના પોલીસ ઇન્સ્પેકટર સહિત ત્રણને સસ્પેન્ડ કરી દેવાયા હતા. ત્યારબાદ તપાસનો દોર ચાલ્યો હતો. જેમાં આઈપીએસ કક્ષાના અધિકારીએ જાતે ગાંધીધામ આવીને વન ટુ વન પોલીસ કર્મચારીઓની તપાસ કરી હતી. ત્યારબાદ ખાનગી રહે પૂર્વ કચ્છનાં કેટલાક બુટલેગરને પણ પોલીસની ભાષામાં પૂછવામાં આવ્યું હતું. જેમાં શિકરા દારૂ પ્રકરણમાં કોનો, કેવો, કેટલો રોલ હતો તે સ્પષ્ટ થઈ ગયું હતું. જે અંગેનો એક રિપોર્ટ ગાંધીનગર ગૃહ વિભાગને આપવામાં આવ્યો હતો.ઙ્ગ

જેઙ્ગ રીતે રાજયના ગૃહ વિભાગ દ્વારા શિકરાના દારૂ પ્રકરણમાં આકરા પગલાં લેવામાં આવ્યા છે તેને જોતા આગામી દિવસોમાં એક ઉચ્ચ અધિકારી સામે પણ પગલાં તોળાઈ રહયા હોવાનો દાવો સૂત્રો કર્યો હતો. રેન્જ દ્વારા કરવામાં આવેલી બદલી પછી ફરી એજ કર્મચારીઓને પાછા લાવવાની ઘટનાથી પણ પોલીસ બેડામાં પડઘા પડ્યા હતા. જેમાં એક સિનિયર ઓફિસરે તો આ અંગે ડીઓ લેટર લખવામાં આવ્યો છે અને ખુલાસો પણ પૂછ્યો છે કે આમ કેમ થયું હતું.

આમ તો બદલીના ઓર્ડર અંગેનો પત્ર ગાંધીધામ આવી ગયો હતો પરંતુ છેલ્લી ઘડી સુધી તેને જાહેર કરવામાં આવ્યો ન હતો. દારૂની ચાર બાટલી પકડીને ફોટા પડાવતી પૂર્વ કચ્છ પોલીસની શિકરા દારૂના મામલે બોલતી બંધ થઈ ગઈ હતી. સુત્રોનું માનીએ તો દારૂ પ્રકરણના ૧૬ પોલીસ કર્મીઓને પૂર્વ કચ્છમાંથી ગોધરા, ખેડા, સુરત, અમદાવાદ, વડોદરા, નવસારી, સાબરકાંઠા જેવી જગ્યાએ બદલી નાખવામાં આવ્યા છે.

(11:49 am IST)
  • પ્લાસ્ટિક પર પ્રતિબંધ બાદ યુપીની યોગી સરકારનો મોટો નિર્ણય :સ્વચ્છ ભારત મિશન માટે પ્લાસ્ટિક,પોલીથીન સહિતના ઉપયોગ પર પ્રતિબંધ બાદ આગામી 15મી ઓગસ્ટથી થર્મોકોલ અને બે ઓક્ટોબરથી તમામ ડિસ્પોઝેબલ પોલીબેગ્સના ઉપયોગ ઉપર પ્રતિબંધ મુકાશે access_time 1:18 am IST

  • સુરત સચિન જીઆઇડીસી પોલીસ સ્ટેશન પાછળ ગોડાઉનમાં રખાયેલ EVM મશીન પાણી ડૂબ્યા:ગડાઉનમાં પાણી ઘુસ્યા access_time 10:03 pm IST

  • જેતપુરમાં અનરાધાર વરસાદથી સિવિલ હોસ્પિટલમાં પાણી ભરાયા ટ્રોમા સેન્ટર અમે આઇસીયુ વિભંગમાં પાણી ઘુસી જતા કર્મચારીઓમાં પાણીના નિકાલ માટે કાર્યવાહી access_time 12:00 am IST