Gujarati News

જૂનાગઢ, તા. ૧૨ :. મેંદરડા તાલુકાના ગુંદાળા ગામે રહેતા વાસુરભાઈ નાગભાઈ ગીડાના ગઈકાલે સવારે ૮ થી બપોરના ૩ વાગ્યા દરમિયાન બંધ રહેલા મકાનમાં તસ્કરો ખાબકયા હતા.અજાણ્યો જાણભેદુ શખ્સ ઘરના દરવાજાની ચાવી ગોખલામાંથી લઈ અને મકાન ખોલી કબાટમાંથી રૂ. ૫૦ હજારની રોકડની ચોરી કરી હતી.

બાદમાં આ શખ્સ દરવાજાને તાળુ લગાવી અને ચાવી ગોખલામાં મુકીને નાસી ગયો હતો.આ અંગે ગઈ સાંજે વાસુરભાઈએ ફરીયાદ કરતા પીએસઆઈ કે.સી. રાણાએ જાણભેદુને ઝડપી લેવા ચક્રો ગતિમાન કર્યા છે.