Gujarati News

Gujarati News

News of Wednesday, 12th June 2019

દીવ-ઉનામાં કડાકા-ભડાકાઃ વરસાદ શરૂ

દીવમાં ધીમી ધારે વરસાદ શરૂ થઈ ગયોઃ સવારથી જ કાળા ડિબાંગ વાદળા છવાયા

દીવ, તા.૧૨: 'વાયુ' વાવાઝોડુ આજે રાત્રે કે કાલે સવારે સૌરાષ્ટ્રના દરિયાકાંઠે ટકરાશે. ત્યારે વાવાઝોડાની અસરને લઈને દીવમાં ધીમી ધારે વરસાદ શરૂ થઈ ગયો છે. દીવમાં સવારથી જ કાળા ડિબાંગ વાદળો જોવા મળ્યાં હતાં.

કડાકા ભડાકા સાથે ધીમી ધારે વરસાદ પડતાં લોકોમાં પણ ભયનો માહોલ જોવા મળી રહ્યો છે. તેમજ ઉનામાં પણ વીજળીના કડાકા સાથે વરસાદ શરૂ થઈ ગયો છે. ભારે પવન સાથે વરસાદ શરૂ થતાં લોકોમાં ભયનો માહોલ જોવા મળી રહ્યો છે. વરસાદથી રસ્તાઓ પર પાણી ફરી વળ્યાં છે. તેમજ ધૂળની ડમરીઓ પણ ઉડવા લાગી છે.

'વાયુ' વાવાઝોડુ સૌરાષ્ટ્રના દરિયાકાંઠાથી દરિયામાં ૩૬૦ જેટલું કિલોમીટર દૂર છે. ત્યારે તેની અસર દીવના દરિયામાં જોવા મળી રહી છે. દીવના દરિયામાં આજે વહેલી સવારથી જ કરંટ જોવા મળી રહ્યો છે અને ઉંચા મોજા ઉછળી રહ્યા છે. દીવનો દરિયો વાવાઝોડાને લઇને ગાંડોતૂર બન્યો છે.

દીવના દરિયાની જેમ પોરબંદર અને વેરાવળના દરિયામાં પણ કરંટ જોવા મળી રહ્યો છે. પોરબંદરના દરિયામાં ગઈકાલથી જ કરંટ જોવા મળી રહ્યો છે. જયારે વેરાવળના દરિયામાં સવારથી જ ઉંચા મોજા ઉછળી રહ્યા છે. દરિયામાં મોજા ઉછળવાને કારણે તંત્ર પણ પૂરજોશમાં વાયુ વાવાઝોડાનો સામનો કરવા સજ્જ બન્યું છે.

(11:15 am IST)
  • જમ્મુ- કાશ્મીરના અનેક વિસ્તારોમાં વરસાદ- બરફવર્ષાઃ સોનમર્ગમાં ૩ ઈંચ બરફ પડયો : જમ્મુ- કાશ્મીરમાં વરસાદની સાથો- સાથ પ્રદેશના ઉંચાઈવાળા વિસ્તારોમાં બરફવર્ષા થઈ છેઃ હવામાન ખાતાના જણાવ્યા મુજબ સોનમર્ગમાં ૩ ઈંચ બરફવર્ષા થઈ છેઃ દ્રાસ, ઝાંસકર,પાનીખર, શંકુ, રંગદુમ અને મીનમર્ગમાં પણ બરફ પડયો છે access_time 11:37 am IST

  • પાલનપુર પંથકમાં ભૂકંપનો આંચકો : બનાસકાંઠાના પાલનપુરમાં 2.3ની તીવ્રતાનો આંચકો અનુભવાયો : પાલનપુર થી 32 કી.મી. ઉત્તર દિશામાં આંચકો આવ્યાના અહેવાલ access_time 5:09 pm IST

  • માલગાડી ખડી પડી તેનુ કવરેજ કરવા ગયેલા પત્રકારની ભૂંડી દશા કરી : ગઇરાત્રે શામલી-ધીમનપુર ખાતે માલગાડી ખડી પડી તેનુ કવરેજ કરી રહેલ પત્રકારને સાદા કપડામાં જીઆરપી રેલ્વે ઓફિસરોએ બેફામ માર મારી ગાળો આપી તેને લોકઅપમાં પૂર્યો, નગ્ન કરી તેના મોઢામાં પેશાબ કરવામાં આવ્યાની અતી ગંભીર ઘટના બની છે. એએનઆઇએ ટ્વીટ કરેલ વીડીયો ભારે વાયરલ થઇ રહયો છે. access_time 1:14 pm IST