Gujarati News

(વિજય વસાણી દ્વારા) આટકોટ,તા. ૧૧ : જસદણ ખાતે આવેલ સરકારી તાલુકા લાઇબ્રેરીનું મકાન અતિ જર્જરીત હાલતમાં છે જેથી તેનો લાભ મેળવતી જસદણની પ્રજા વિટંબણા અનુભવતી હતી. આ બાબત જસદણના ધારાસભ્ય અને પૂર્વ કેબીનેટ મંત્રી શ્રી કુંવરજીભાઇ બાવળીયાને ધ્યાને આવતા તેઓએ ફરીયાદ સંકલન સમિતિની મીટીંગમાં પ્રશ્ન ઉઠાવી લગત અધિકારીશ્રીઓને રજુઆત કરતા તેઓની રજુઆત ગ્રાહ્ય રાખ તા. ૭/૧૨/૨૦૨૧ના રોજ અધિક્ષક ઇજનેરશ્રી, માર્ગ અને મકાન વર્તુળ-૧, રાજકોટ તરફથી આ લાઇબ્રેરીના મકાન મરામત અર્થે રૂ. ૧૦ લાખ મંજુર કરેલ છે. જેથી આ સરકારી તાલુકા લાઇબ્રેરીના મકાનનું રીપેરીંગ ટુંક સમયમાં શરૂ થશે અને જસદણની પ્રજાની સુખાકારીમાં વધારો થશે.