Gujarati News

Gujarati News

News of Monday, 11th February 2019

વિડીયો : કચ્છમાં યુવકને થાંભલા સાથે બાંધીને એક શખ્સ ઢોરમાર મારતો હોવાનો અને અત્યંત ખરાબ ગાળો બોલતો વિડીયો સોશ્યલ મીડીયામાં થયો વાયરલ

ભૂજ, તા. ૧૧ :. પૂર્વ કચ્છનો વાગડ વિસ્તાર આમ તો ગુન્હેગારી મુદ્દે હંમેશા ચર્ચામાં હોય છે. ગેરકાયદેસર હથિયાર હોય કે પછી કાયદાના ડર વગર મારામારી જેવી ઘટનાને અંજામ આપવો હોય ત્યારે વાગડ પંથક સતત ચર્ચામાં રહે છે, ત્યારે કચ્છમાં એક શખ્સ યુવકને થાંભલા સાથે બાંધીને ઢોરમાર મારી રહ્યો હોય તેવો વિડીયો સોશ્યલ મીડીયામાં વાયરલ થયો છે.

આ વિડીયોમાં રાપરની ટીપીકલ ભાષામાં સંવાદો અને અપશબ્દો સાંભળવા મળે છે. આ પહેલા સામે આવેલા એક વિડીયોમાં નિર્જન જગ્યા ઉપર યુવક અને યુવતીને ઝડપી લે છે, ત્યારે યુવતી તેનો બચાવ પક્ષ રજુ કરે છે પરંતુ તે વિડીયો બાદ આજે વાયરલ થયેલા વિડીયોમાં શરૃ થાય છે તાલીબાની સજા, યુવકને એક લાકડીધારી શખ્સ ધોરડા વડે થાંભલા સાથે બાંધે છે અને ત્યારબાદ તેની વિવિધ પ્રશ્નો સાથે પૂછપરછ કરી માર મારી રહ્યો છે. જો કે વિડીયોમાં સ્પષ્ટ દેખાય છે કે, યુવકને માર મારતા અર્ધ બેભાન અવસ્થામાં આવી છે છતા પણ માર મારનાર શખ્સ લાકડીઓના ફટકા મારવાનું ચાલુ રાખે છે.

અગાઉ આવી જ રીતે રાપરના રાજકીય આગેવાનના ભાઈનો વિડીયો વાયરલ થયો હતો. જેમાં તે એક કુખ્યાત હત્યાના આરોપીને માર મારતો નજરે પડતો હતો.

આ વિડીયો વાયરલ થયા બાદ હવે પોલીસ કઈ દિશામાં તપાસ હાથ ધરે છે ? તે અંગે ભારે ચર્ચા જાગી છે.

(5:21 pm IST)
  • વિડીયો : ગતરાત્રે અમરેલીના રાજુલા પાસેના ખેરા ગામે શિકાર કરવા આવેલ એક સિંહણ કુવામાં પડી ગઈ હતી. સિંહણે શીકાર સાથેજ કુવામાં ભૂલથી ઝંપલાવી દીધું હતું હતું. મોડી રાત્રે વનવિભાગે આ સિંહણ માટેનું રેસ્ક્યુ ઓપરેશન શરૂ કર્યું રેસ્ક્યુ ઓપરેશન શરૂ કર્યું ઓપરેશન શરૂ કર્યું હતું. (વિડીયો - સ્પીડ રિપોર્ટ) access_time 3:37 pm IST

  • અમદાવાદ : નવરંગપુરા વિસ્તારમાં PCBએ જુગારધામ પર દરોડા કરીને 12 શખ્સોની અટકાયત : જુગારધામ પરથી રૂ.1.25 લાખનો મુદ્દામાલ કબ્જે :વિજય ઠાકોર નામનો શખ્સ રમાડતો હતો જુગાર, એક માસથી જુગારધામ ધમધમતું હોવાનું ખુલ્યુ access_time 12:28 am IST

  • કચ્છ :ગાંધીધામ માં આરોપી પકડવા ગયેલ પોલિસ અને ગુનેગાર વચ્ચે ઘર્ષણ :ગાંધીધામ ના શાંતીધામ વિસ્તારમાં લૂંટના આરોપીની બાતમીએ પોલિસ તપાસ માટે ગઈ હતી :આરોપી અને તેના મળતીયાએ પ્રતિકાર કરતા પોલિસની જવાબી કાર્યવાહી :પૂર્વ કચ્છ LCB અને SOG એ કર્યું 2 રાઉન્ડ ફાયરિંગ :2 શખ્સો ને પોલીસે દબોચ્યાં :વધુ કાર્યવાહી ચાલુ access_time 11:00 pm IST