Gujarati News

Gujarati News

News of Monday, 11th February 2019

સંત નિરંકારી મિશને બનાવેલ રોશન મિનારની સૌથી મોટી માનવ આકૃતિએ ગિનીજ બુક ઓફ રેકોર્ડમાં સ્થાન મેળવ્યું

તસ્વીરમં સૌથી મોટો રોશન મિનારની આકૃતિ નજરે પડે છે.(તસ્વીરઃ અશોક પાઠક, કોડીનાર)(૧.૧)

કોડીનાર તા.૧૧: સંત નિરંકારી મિશનના ૧૮,૭૭૦ શ્રધ્ધાળુઓ દ્વારા બનાવાયેલ રોશન મીનારની બધાથી મોટી માનવ આકૃતિનો ગિનીજ બુક ઓફ વર્લ્ડ રેકોર્ડમાં સમાવેશ થયેલ છે.

આ વર્લ્ડ રેકોર્ડ કાર્યક્રમ ૧૭ નવેમ્બર, ૨૦૧૮ના રોજ સદ્દગુરૂ માતા સુદીક્ષાજી મહારાજની ઉપસ્થિતિમાં સંત નિરંકારી આધ્યાત્મિક સ્થળ, જી.ટી.રોડ, સમાલખા (હરીયાણા) માં આયોજીત થયેલ.

આ રોશનમીનારની માનવ આકૃતિમાં ભાગ લેવા માટે ભારત તેમજ વિદેશમાંથી પણ નિરંકારી ભકતો આવ્યા હતા તેમની વય ૧૮ થી ૬૫ વર્ષ સુધીની નક્કી કરવામાં આવેલ આ બધાનું રજીસ્ટ્રેશન પહેલા જ કરી દેવામાં આવ્યું હતું કુલ લગભગ રપ હજાર ભકતોએ નામ નોંધાવ્યું હતું.

આ માનવ આકૃતિમાં ભાગ લેવા વાળા તમામ સદસ્યો સવારે ૭ વાગ્યે જ ભેગા થઇ ગયા હતા દરેક સદસ્યોને આયોજકો તરફથી જુદા-જુદા રંગોનો પહેરવેશ આપવામાં આવેલ જે તેમના સ્થાન મુજબ નક્કી કરવામાં આવેલ. આ માનવ આકૃતિમાં કુલ પ રંગ હતા તથા તેને બનાવાવ માટે પ કલાકનો સમય લાગેલ તેમ કોડીનારથી કનૈયાલાલ એલ .દેવાણીની યાદીમાંજણાવાયું છે.(૧.૧)

(11:50 am IST)
  • મહેસાણા : દૂધસાગર ડેરીએ સાગરદાણના ભાવમાં વધારો કર્યો :સાગરદાણના ભાવ ૧૧૦૦થી વધારીને ૧૧૫૦ કરાયા :૭૦ કિલોની સાગરદાણ બોરીમાં રૂ.૫૦નો ભાવવધારો કરાયો :ભાવ વધારો આજથી લાગુ થશે access_time 12:25 am IST

  • વિડીયો : નોટબંધી ને બે વર્ષ ઉપરાંત થવા આવ્યા છતાં હજુ જૂની ચલણી નોટો પકડાઈ રહી છે. નવસારી લોકલ ક્રાઇમ બ્રાન્ચ પોલીસે પોલીસે ત્રણ કરોડથી વધારેની હજાર અને પાંચસોની બંધ થઈ ગયેલી જૂની ચલણી નોટો સાથે ચાર લોકોને ઝડપી પાડ્યા છે. આ જૂની ચલણી નોટો મુંબઈથી નવસારીમાં નવસારીમાં, નવી નોટો સામે બદલાવવા માટે આવી હોવાનું પ્રાથમિક તપાસમાં ખુલ્યુ હતું. હવે એક બહુ મોટો પ્રશ્ન પોલીસ અને પ્રશાસન સામે આવી રહ્યો છે કે આખિરકાર આ જૂની ચલણી નોટોને નવી નોટો સામે કોણ બદલી આપે છે?? (વિડીયો - સ્પીડ રિપોર્ટ) access_time 3:38 pm IST

  • મહેસાણા :પક્ષ પલટો કરનાર આશા પટેલ વિરુદ્ધ જનઆક્રોશ સભા :ઊંઝા પાલિકા ઉપપ્રમુખ ભવલેશ પટેલ દ્વારા કરાઈ જાહેરાત :ઊંઝાના પૂર્વ spg પ્રમુખ રહી ચૂક્યા છે ભવલેશ પટેલ :આશાબેન પટેલ વિરુદ્ધ કરવામાં આવશે જન આક્રોશ સભા - ભવલેશ પટેલ access_time 9:30 pm IST