Gujarati News

Gujarati News

News of Thursday, 10th October 2019

સુરેન્દ્રનગરના વઢવાણના ૧૦ ગામોમાં પેટા ચુંટણીના પડઘમઃ ૧૩મીએ મતદાન

૧ સરપંચ અને ૧૦ સદસ્યો માટે તંત્રે તૈયારીઓઃ ૧૫મી ઓકટોબરે મામ. પંચાયત કચેરીએ મતગણતરી થશે

વઢવાણ તા. ૧૦:  વઢવાણ તાલુકામાં ૧૦ જેટલી ગ્રામ પંચાયતોમાં વોર્ડની પેટા ચૂંટણીનું જાહેરનામુ બહાર પડાયુ છે. આથી સરપંચ અને વોર્ડના સભ્ય માટે જરૂર પડશે તો તા.૧૩-૧૦-૧૯ રવિવારે મતદાન યોજાનાર છે. ત્યારે વહીવટી તંત્રે આ માટે તૈયારીઓ શરૂ કરી છે. વઢવાણ તાલુકાના ૪૫ જેટલા ગામોમાં સરપંચ અને વોર્ડના સદસ્યોની વરણી સ્થાનિક સ્વરાજની ચૂંટણી દ્વારા થાય છે. ત્યારે નાના કેરાળા ગામમાં સરપંચ અને ૯ ગામોમાં વોર્ડની પેટાચૂંટણી જાહેર થઇ છે.

પ્રાણગઢ વોર્ડનં.૫, ખોલડીયાદ વોર્ડનં.૮, વસ્તડી વોર્ડ નં.૭, રામપરા વોર્ડનં.૬, નાના કેરાળા વોર્ડનં.૬, બાળા વોર્ડન.૮ અને બલદાણા વોર્ડનં.૫ની ચૂંટણી થનાર છે. જેમાં બલદાણાને બાદ કરતા તમામ બેઠકો પર અનુસુચીત જાતી કે અનુસુચીત જન જાતી અનામત બેઠક છે.  આ ગામોમાં જરૂર પડશે તો તા.૧૩ ઓકટોબરના રવિવારે મતદાન યોજાનાર છે.  જ્યારે મતગણતરી તા.૧૫-૧૦-૧૯ના રોજ કરવામાં આવનાર છે. આથી મામલતદાર અને તાલુકા પંચાયત કચેરીમાં તૈયારીઓની દોડધામ શરૂ થઇ છે.

નાના કેરાળા ગામમાં હાલ અનુસુચીત જન જાતીનો એક પણ મતદાર રહેતો નથી. આમ છતા સરપંચની બેઠક અનુસુચીત જન જાતી અનામત જાહેર થઇ હતી. આથી વારંવાર પેટાચૂંટણી જાહેર કરવા છતા ચૂંટણીના ફોર્મ ભરાતા નથી. આમને આમ ત્રણ વર્ષ થવા છતા કાયદાકીય કે બંધારણીય ગુંચ ન ઉકેલાતા વારંવાર સરપંચ ચૂંટણીનું જાહેરનામુ બહાર પાડે છે.

(1:16 pm IST)
  • ફાન્સથી પરત ફર્યા રક્ષામંત્રી રાજનાથસિંહ : શસ્ત્ર પૂજન અંગે આપ્યું નિવેદન : શસ્ત્ર પૂજા અંગે સવાલ ઉઠાવવો યોગ્ય નથી :કોંગ્રેસમાં પણ વિભાજન થયું હોવું જોઈએ :અમે એ કર્યું જે મને ઠીક લાગ્યું : આ મારો વિશ્વાસ છે કે એક સુપર પાવર છે અને બાળપણથી જ એવું માન્યું છે access_time 1:08 am IST

  • મોડીરાત્રે રાજકોટમાં હિટ એન્ડ રનની ઘટના : 150 ફૂટ રિંગરોડ પર કાર ચાલકએ ત્રણ કાર સાથે બાળકીને અડફેટે લીધી : કાર ચાલાક અકસમાત સર્જીને ફરાર : વધુ વિગતો મેળવાઈ રહી છે access_time 1:02 am IST

  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST