Gujarati News

Gujarati News

News of Friday, 10th August 2018

જેતપુર પાસે એક નહિ બે ગોડાઉનોમાં મગફળીના જથ્થામાં માટી અને પથ્થરોની ભેળસેળ થતી'તી

મગફળી કૌભાંડમાં પકડાયેલ જેતપુરનો વેપારી અને કેશોદ પંથકનો ઓઇલ મીલર્સ ૯ દિ'ના રિમાન્ડ પરઃ માથાકુટ થતા રબારીકા પાસે ગોડાઉન બંધ કરી દેવાયું'તું: આ બંન્ને ગોડાઉનો વિક્રમ લાખાણી અને જીતુએ ભાડે રાખ્યા'તા!: પોલીસ પુછતાછમાં ગુજકોટ, નાફેડ અને વેર હાઉસના પ અધિકારીઓ પોતે કંઇ ન જાણતા હોવાનું રટણ કર્યુ

રાજકોટ, તા., ૧૦: સૌરાષ્ટ્ર અને ગુજરાતમાં ચર્ચાસ્પદ બનેલ જેતપુરના પેઢલાના મગફળી કૌભાંડમાં  જેતપુર નજીક એક ગોડાઉન નહી પણ બે ગોડાઉનમાં મગફળીના જથ્થામાં માટી અને પથ્થરોની ભેળસેળ કરાતી હોવાનું પોલીસ તપાસમાં ખુલ્યું છે. બીજી બાજુ સારી મગફળી ખરીદનાર કેશોદ પંથકના ઓઇલ મીલર અને નબળી મગફળી ધાબડનાર જેતપુરના વેપારીની ધરપકડ કરાયા બાદ કોર્ટે બંન્નેને ૯ દિ'ના રિમાન્ડ પર સોંપવા હુકમ કર્યો છે.

મગફળી કૌભાંડમાં મગફળીમાં માટી અને પથ્થરોની ભેળસેળ કરનાર મજુરોના  જેતપુર પોલીસે નિવેદન લેતા ચોંકાવનારી વિગતો ખુલી હતી. મજુરોના જણાવ્યા મુજબ  જેતપુર પાસે એક ગોડાઉન નહિ પણ બે ગોડાઉનોમાં મગફળીના જથ્થામાં માટી અને પથ્થરોની ભેળસેળ કરાતી હતી. જેતપુર નજીક રબારીકા ગામે પણ ગોડાઉનમાં મગફળીના જથ્થામાં ભેળસેળ કરાતી હતી. જો કે ત્યાં માથાકુટ થતા ૮ દિવસ બાદ આ ગોડાઉન બંધ કરી દેવાયું હતું અને હાલ જેતપુર પાસે બંધ પડેલ મીલના ગોડાઉનમાં મગફળીના જથ્થામાં ભેળસેળ કરાતી હતી. આ બંન્ને ગોડાઉનો અગાઉ પકડાઇ ગયેલ  વિક્રમ દેવાભાઇ લાખાણી (રહે. લાખોદરા) તથા જીતુ બચુભાઇ (રહે. માળીયા મિયાણા)એ ભાડે રાખ્યા હતા.

પોલીસે મજુરો ઉપરાંત મગફળીની હેરફેર કરનાર ટ્રક ડ્રાઇવરોના પણ નિવેદનો લીધા હતા. ટ્રક ડ્રાઇવરોએ મોટી ધાણેજ મંડળી દ્વારા ખરીદ કરાયેલ સારી મગફળી ક્રાંતી ઓઇલ મીલમાં ઠાલવતા હોવાની અને ત્યાંથી ખાલી ફેરો લઇ જેતપુર નજીકના ગોડાઉનમાં ભેળસેળયુકત મગફળી જેતપુરના  વેપારી વિશાલની સુચનાથી લઇ જઇ ગુજકોટના ગોડાઉનમાં ઠાલવતા હોવાની કેફીયત આપી હતી.

મગફળી કૌભાંડમાં પકડાયેલ કેશોદના મેસવાણ ગામે ક્રાંતી ઓઇલ મીલ ધરાવતા રાજેશ ગોવિંદભાઇ વડારીયા તથા જેતપુર માર્કેટ યાર્ડમાં અલંકાર ટ્રેડર્સ નામની પેઢી ધરાવતા વિશાલ શાંતીલાલ  સખરેલીયાને ગઇકાલે કોર્ટમાં રજુ કરાતા કોર્ટે બંન્નેને ૯ દિવસના રિમાન્ડ પર સોંપવા હુકમ કર્યો હતો.  રિમાન્ડ દરમીયાન આ બંન્ને પાસેથી ચોંકાવનારી વિગતો ખુલે તેવી વકી છે.

 બીજી બાજુ ગઇકાલે જેતપુરના ડીવાયએસપી જે.એમ.ભરવાડે ગુજકોટ, નાફેડ અને વેર હાઉસના પાંચ અધિકારીઓ મહેન્દ્ર દવે (વેર હાઉસ) મનોજ જોષી (વેર હાઉસ) એન.એમ.શર્મા (ગુજકોટ) દેવી પ્રસાદ મિશ્રા (ગુજકોટ) અને સુધીર મલહોત્રા (નાફેડ) ના નિવેદનો નોંધ્યા હતા. આ તમામે પોતે નિર્દોષ હોવાનું અને કઇ ન જાણતા હોવાનો કક્કો ઘુટયો હતો. પોલીસે આ તમામ અધિકારીઓને તેની ફરજમાં  શું આવે છે? તે અંગેની માહીતી મેળવી હતી અને જો તેમાં બેદરકારી બહાર આવશે તો આગળની કાર્યવાહી કરાશે તેવું જણાવ્યું હતું. (૪.૬)

(11:40 am IST)
  • એંજલીના જોલીએ પૂર્વ પતિ બ્રેડ પિટ્ને કોર્ટમાં ઘસેડ્યો :અમેરિકી અભિનેતા બ્રેડ પીટ અને અભિનેત્રી એંજલીના જોલી 2016માં લગ્ન બાદ અલગ થયા હતા :હવે એંજલીનાં જોલીએ બ્રેડ પર આરોપ મુક્યો કે તલ્લાકના કેસ દાખલ કર્યા બાદ પિત્ત તેના બાળકોનો ખર્ચ આપતો નથી :પીટે આરોપને ફગાવ્યા ;તેના વકીલે કોર્ટમાં કહ્યું એન્જલિનાને અત્યાર સુધીમાં પીટ 13 લાખ ડોલરથી વધુ રકમ આપી ચુક્યો છે access_time 12:56 am IST

  • કેનેડાના નોર્થ બ્રન્સવિકમાં આડેધડ ફાયરિંગ : 4 લોકોના મોત : ઘરની બહાર ન નીકળવા પોલીસની સૂચના : એક આરોપીની ધરપકડ access_time 8:20 pm IST

  • બ્રિટિશ ઍરલાયન્સ પર ભડક્યા ઋષિકપુર ; ફેન્સને કહ્યું આઍરલાયન્સમાં ક્યારેય યાત્રા ના કરો : તેને બ્રિટિશ ઍરલાયન્સને રંગભેદી પણ ગણાવ્યું: બર્લિનમાં બાળકોની ઘટના સાંભળીને આઘાત લાગ્યો : મારી સાથે એકવાર નહીં બે વાર અભદ્ર વ્યવહાર થયો access_time 1:04 am IST