Gujarati News

Gujarati News

News of Friday, 10th May 2019

ટંકારામાં દીપડાએ એકસાથે 47 ઘેટાંનો શિકાર કરતા ફફડાટ :અનેક ઘેટાંઓને ઇજા

વાડામાં ધુસીને દીપડાએ 47 જેટલા ઘેટાઓ પર હુમલો કરીને મોતને ઘાટ ઉતાર્યા :વનવિભાગ દોડ્યું

મોરબીના ટંકારામાં દીપડાએ એક સાથે 47 જેટલા ઘેટાં ઉપર હુમલો કરીને મોતને ઘાટ ઉતાર્યા હતા. આ અંગે વનવિભાગને જાણ કરતા વન વિભાગની ટીમ ઘટના સ્થળે પહોંચી હતી ડોક્ટરોની પણ ટીમ ઘટના સ્થળે પહોંચી હતી.

 આ અંગે મળતી વિગત મુજબ મોરબી જિલ્લાના ટંકારામાં ગુરુવારે મોડી રાત્રે ઘેટાના વાડામાં એક દીપડો ઘૂસી આવ્યો હતો. અને 47 જેટલા ઘેટાંનો શિકાર કર્યો હતો.સાથે અનેક ઘેટાઓને ઇજાઓ પણ પહોંચાડી હતી.

 આ ઘટનાની જાણ વાડીના માલિકને થતાં જે વન વિભાગને જાણ કરવામાં આવી હતી. સાથે સાથે પશુઓના ડોક્ટરને પણ જાણ ખતા વન વિભાગની ટીમ અને ડોક્ટરો ઘટના સ્થળે પહોંચી ગયા હતા.

  ઇજાગ્રસ્ત ઘેટાઓની તાત્કાલિક સારવાર ચાલું કરી હતી. જ્યારે ટંકારા ફોરેસ્ટ ઓફિસર અને રાજકોટ રેન્જના અધિકારીઓએ તપાસ શરુ કરી હતી. અને અધિકારીઓએ દીપડો હોવાની પુષ્ટી કરી હતી. આ ઉપરાંત દીપડાને પકડવા માટે માટે પિંજરૂ અને મારણ રાખવામાં આવશે. દીપડાના હુમલાના પગલે ટંકારા શહેરમાં ગભરાટ ફેલાયો છે. અને ખેડૂતો પણ ખેતરમાં જતા ભય અનુભવે છે.

(12:29 am IST)
  • વડાપ્રધાનને આપેલ ૫૬ ગાળો ૫૬ ભોગ સમાનઃ ગડકરી : કેન્દ્રીય મંત્રી નિતિન ગડકરીએ કોંગ્રેસ ઉપર હલ્લાબોલ કરતા જણાવેલ કે વડાપ્રધાન મોદીને કોંગ્રેસે અત્યાર સુધીમાં ૫૬ ગાળો આપી છે, પણ એ અમારા માટે ૫૬ ભોગની જેમ છે. અમે અમારા પ્રદર્શનના આધારે ચૂંટણી લડી રહયા છીએ access_time 3:42 pm IST

  • મેટ્રો પ્રોજેકટની કામગીરી સામે હાઇકોર્ટમાં પીટીશન : શાહપુરના વેપારીઓએ હાઇકોર્ટમાં કરી અરજીઃ મેટ્રો ટ્રેનને કારણે રસ્તો બંધ થતાં ધંધા પર અસરની રજુઆતઃ ધંધાના નુકશાન બદલ વળતર અને રસ્તો કરવા માંગઃ હાઇકોર્ટે રાજય સરકાર અને મેગા કંપનીને નોટીસ ફટકારી access_time 3:42 pm IST

  • ટ્યુનિશિયામાં હોડી ડૂબી જતા 70 પ્રવાસીઓના મોત :ટ્યૂનિશિયાના સફાક્સ પ્રાંતમાં સ્થિત એક કિનારાથી 4 માઈલ દૂર નાવ ડૂબી જતા તેના પે સવાર ઉપ સહારાઈ મૂળના અવૈધ પ્રવાસીઓના મોત નિપજ્યા: સ્થાનિક મીડિયા મુજબ માછલી પકડવાવાળી નાવ અને માછીમારોએ 16 પ્રવાસીઓને બચાવ્યા છે access_time 1:23 am IST