Gujarati News

Gujarati News

News of Saturday, 10th February 2018

કોડીનાર ઉના ઝાપામાં ડ્રાઇવર વિના ટ્રેકટર દોડી જતા મુસ્લિમ મહિલાને ઇજા

કોડીનાર તા. ૧૦ : ઉના ઝાપા ચોકમાં આડેધડ પાર્કિંગના કારણે મોટી હોનારત સદનસીબે અટકી જતાં લોકોએ હાશકારો અનુભવ્યો હતો.

કોડીનાર ટ્રાફિકથી ધમધમતા વિસ્તારમાં ટ્રેકટર ચાલકે ટ્રેકટર આડેધડ પાર્ક કરી કામ અર્થે ચાલ્યા ગયા બાદ ટ્રેકટર ડ્રાઇવર વિના અચાનક દોડવા લાગતા મુસ્લિમ ફેમેલી ટ્રેકટર હડફેટે આવી જતા મહિલાને ઇજા પહોંચી હતી. જ્યારે ત્યાં ઉભેલા લોકોએ સમય સુચકતા વાપરી ટ્રેકટરને રોકી લેતા મોટી દુર્ઘટના ટળી હતી. ત્યારે આડેધડ પાર્કિંગ કરી લોકોની જીંદગી સામે ખતરો ઉભો કરતા આવા તત્વો વિરૂધ્ધ કડક કાર્યવાહી કરવા માંગણી ઉઠી છે.

(11:35 am IST)
  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST