Gujarati News

બુટલેગરો દ્વારા અવનવા નુસ્કાઓ અપનાવીને દારૂની હેરાફેરી કરવામાં આવી રહી છે ત્યારે પાવડરની આડમાં સંતાડેલ દારૂનો મોટો જથ્થો મોરબી એલસીબી ટીમે ઝડપી પાડીને ધોરણસરની કાર્યવાહી હાથ ધરી છે

મળતી માહિતી મુજબ મોરબી જીલ્લા પોલીસ વડા એસ આર ઓડેદરાના માર્ગદર્શન હેઠળ મોરબી એલસીબી પી આઈ વી બી જાડેજાની સુચનાથી સ્ટાફ ટંકારા પોલીસ સ્ટેશન વિસ્તારમાં પેટ્રોલિંગમાં હોય દરમિયાન એલસીબી સ્ટાફના પૃથ્વીસિંહ જાડેજા, શક્તિસિંહ ઝાલા અને વિક્રમભાઈ ફૂંગસીયાને બાતમી મળેલ કે મોરબી-રાજકોટ હાઈવે પર મીતાણા ગામની સીમમાં આવેલ શિવ પેલેસ હોટલના ગ્રાઉન્ડમાં ટ્રેલરમાં પાવડરની આડમાં દારૂ છુપાવીને રાખ્યો હોવાની બાતમીના આધારે દરોડો કરતા ત્યાંથી ટેઈલર આર જે જીએ ૩૦૯૪ વાળી પાર્ક કરેલ હોય જેમાં સફેદ પાવડરની થેલીઓની આડમાં વિદેશી દારૂ બોટલ નંગ- ૨૧૦૦ કીમત રૂ.૧૨,૭૭,૪૦૦ તથા ટેઈલર કીમત રૂ.૧૫,૦૦,૦૦૦ એમ કુલ મુદામાલ કીમત રૂ. ૨૭,૮૨,૪૦૦ સાથે ટેઈલર ચાલક મહેન્દ્રસિંગ ધુકલસિંગ રાવત (રહે-ખોખરી થાણું સેંદડા રાજસ્થાન વાળા) ને પકડી પાડી માલ મંગાવનાર અને માલ મોકલનાર લેખરાજસિંગ રહે-રાજસ્થાન ટ્રક માલિક રજાક કટાત રહે રાજસ્થાન સામે ટંકારા પોલીસ મથકમાં ગુન્હો નોંધી વધુ તપાસ હાથ ધરવામાં આવી છે

મોરબી એલસીબી ટીમની આ કામગીરીમાં પી આઈ વી બી જાડેજા, દિલીપભાઈ ચૌધરી, પુર્થ્વીરાજસિંહ જાડેજા, શક્તિસિંહ ઝાલા, વિક્રમભાઈ ફૂંગસીયા, વિક્રમસિંહ બોરાણા, સહદેવસિંહ જાડેજા અને સતીશભાઈ વામજાએ કરેલ છે