Gujarati News

મોરબીઃ મોરબીમાં અંદાજે પ૦ કરોડના ખર્ચે નિર્માણ પામી રહેલા ભારત માતા મંદિરના લાભાર્થે માતૃભુમિ વંદના ટ્રસ્ટ દ્વારા આયોજિત મહારાજા શિવાજી મહારાજના જીવન ચરિત્ર પર આધારીત જાણતા રાજા નાટકના ર-પ થી૯-પ સુધી દરરોજ રાત્રે સાડા આઠ કલાકે મોરબીના રવાપર ધુનડા રોડ પર આવેલ ન્યુ એરા સ્કુલની સામે નાટકનુંભવ્ય આયોજન કરવામાં આવ્યું છે. જેના આજ દિન સુધીમાં છ શો હાઉસફુલ જોવા મળ્યા હતા.  જેમા સમગ્ર મોરબી જિલ્લો અને  અને સૌરાષ્ટ્ર-કચ્છ અને ગુજરાતમાંથી દુર દુરથી આ મહાનાટક જોવા માટે લોકો મોરબી ખાતે ઉત્સાહભેર આવી રહયા છે અને આ નાટકને જબરો લોકપ્રતિસાદ મળી રહયો છે. જેમાં ગઇકાલે પાંચમા દિવસે આ નાટકને જોવા લોકો ઉમટી પડતા આયોજકોને વ્યવસ્થા કરવામાં ભારે મુશ્કેલીપડી હતી. ત્યારે છેલ્લા બે દિવસ આ નાટકના રહયા છે ત્યારે લોકો દ્વારા ટિકિટના બુકિંગ જોરશોરથી કરી રહયા છે ભારત માતાના મંદિરના નિર્માણ માટે યોજાઇ રહેલા આ મહાનાટકમાં સહભાગી થવા રાજકીય નેતાઓ મંત્રીઓ મોરબીના ઉદ્યોગપતિઓ સહિતના મહાનુભાવો ખુદ ટિકિટ લઇને આ મહાનાટકને નિહાળવા માટે આવી રહયા છે અને સૌ કોઇ આ મંદિરના નિર્માણમાં સહભાગી  થવા ટિકિટો લઇ પોતાનું યોગદાન આપી રાષ્ટ્રભાવના જાગૃત કરી છે ૩૦૦૦ ફૂટના અદભુત સ્ટેજ પર રપ૦ કલાકારોનો કાફલો હાથી - ઘોડા ઉંટ શિવાજી મહારાજ જીવન વૃતાંત ભજવીરહયા છે. આ અંગે માતૃભુમિ વંદના ટ્રસ્ટના મહેશભાઇ ભોરણીયા સાથે વાતચીત કરતા તેમણે જણાવ્યું હતું કે આ મહાનાટક જોવા લોકોમાં ઉમેરો રાષ્ટ્રપ્રેમ ભાવના જોવા મળી રહયો છે અને  જેથી આ નાટકનું આયોજન ૮ તારીખ સુધી કરવામાં આવ્યું હતુ અને આ લોકોની રાષ્ટ્રભાવનાને ધ્યાનમાં લઇને એક દિવસ  વધુ નાટક યોજાશે. તેમ જણાવ્યું હતું અને આ તકે માતૃ-ભુમિ વંદના ટ્રસ્ટના રાષ્ટ્રભકતોનો આભાર વ્યકત કર્યા હતો.