Gujarati News

Gujarati News

News of Friday, 7th December 2018

મોટા લીલીયાના ચકચારી રૂષિકેશ ત્રિવેદી અપહરણ-હત્યા કેસમાં અઢી વર્ષથી ફરાર શખ્સ ઝડપાયો

અમરેલી તા. ૭ : જિલ્લાના મોટા લીલીયા ગામના કિકાણી પ્લોટમાં રહેતા શિક્ષક ગીરીશકુમાર મણિશંકર ત્રિવેદીનો પુત્ર રૂષિકેશ (ઉ.૧૭) ને કોઇ અજાણ્યા શખ્સો લીલીયા ટાઉનમાંથી અપહરણ કરી લઇ ગયેલ અને તેને છોડાવા રૂષીકેશના પિતા પાસે રૂ.૩પ લાખની માંગણી કરેલ હતી. બનાવની ગંભીરતાને ધ્યાને લઇ તત્કાલીન એલ.સી.બી.ટીમ દ્વારા રૂષીકેશના મિત્રો અને શકદારો એવા રવિ  ઉર્ફે રવિન્દ્ર ઘનશ્યામભાઇ ભટ્ટ રે.લીલીયા, હાલ રે.સુરત તથા વિજય શામજીભાઇ ધામત, રહે.સુરત વાળાઓને ટેકલ કરતા જાણવા મળેલ કે રવિન્દ્રને નાણા ભીડ રહેતી હોય જેથી તેણે પોતાના ઓળખીતાને જ કિડનેપ કરી નાણા પડાવવાનો પ્લાન કર્યો હતો.

બનાવના દિવસે રવિન્દ્ર અને વિજયએ તેમની પેપોલો કારમાં લીલીયા મુકામે ગૌશાળા નજીકથી રૂષીકેશનુ અપહરણ કરેલ રૂષીને મુકત કરવાના બદલામાં રૂ.૩પ લાખની માંગણી કરેલી બાદમાં આ વાત જાહેર થઇ જતાં રોહીશાળા ગામ પાસેથી ગઢડા તરફના રસ્તે બે ગામ ગયા પછી એક દરગાહ પાસે એક તળાવ આવેલ હોય તે તળાવ પાસે રૂષીને બાવળની ઝાડીમાં લઇ જઇ રૂષીને વિજયે પકડી રાખેલ અને રવિન્દ્રએ પોતાની પાસેની છરીના ચાર પાંચ ઘા છાતીમાં તથા વાસાના ભાગે મારી રૂષીકેશની હત્યા કરેલ હોવાનું જાણવા મળતા આ અંગે લીલીયા પોલીસ સ્ટેશનમાં ગુન્હો દાખલ થયો હતો.

જે ગુન્હાના રવિ ઘનશ્યામભાઇ ભટ્ટ (ર) વિજય શામજીભાઇ ધામત (૩) જગદીશ શામજીભાઇ ધામત અને (૪) કિશન ઉર્ફે કાનો સુરેશભાઇ દવે એમ કુલ ચાર આરોપીઓની ધરપકડ કરવામાં આવેલ હતી. આ ચારેય આરોપીઓ વિરૂદ્ધ ચાર્જશીટ કરવામાં આવેલ હતું. અને આ ચારેય આરોપીઓકાચા કામના કેદી તરીક ેઅમરેલી જીલ્લા જેલમાં હતા અમરેલી સેશન્સ કોર્ટ ખાતે કેસ ચાલુ હોય તે દરમ્યાન આરોપીઓ વિરૂદ્ધ સજજડ પુરાવાઓ હોય અને આરોપીઓને સજા પડે તેમ હોય જેથી ઉપરોકત પૈકીના આરોપી જગદીશ શામજીભાઇ ધામતને ગુજરાત હાઇકોર્ટમાંથી દિન-૧૦ વચગાળાની જામીન રજા મળતા તે રજા ઉપર જેલમાંથી મુકત થયા બાદ તા.૧પ/૬/૧૬ ના રોજ અમરેલી જેલમાં હાજર થવાનું હતું પરંતુ જેલમાં હાજર થયેલ નહી અને છેલ્લા અઢી વર્ષથી નાસતો ફરતો હતો.  પોલીસ અધિક્ષક અમરેલીનાઓએ જેલમાંથી પેરોલ/ફર્લો તથા વચગાળાના જામીન પરથી ફરાર આરોપીઓને પકડી પાડવા જરૂરી માર્ગદર્શન અને સુચના આપેલ હોય જે અન્વયે અમરેલી એલ.સી.બી. ઇન્ચાર્જ પો.ઇન્સ. ડી.કે.વાઘેલા તથા એલ.સી.બી. ટીમ દ્વારા વચગાળાની જામીન રજા પરથી નાસતા ફરતા આરોપી જગદીશભાઇ શામજીભાઇ ધામત, ઉ.૩૩ ધંધો ખેત મજુરી, રહે. મુળ લીલીયા, કિકાણી પ્લોટ, તા. લીલીયા, જી.અમરેલી, હાલ ભરૂચ, ગામ-જુના તવરા, જલારામ ફળીયું તા.જી. ભરૂચ વાળાને ગઇ કાલે તા.પ/૧ર/૧૮ ના રાત્રીના ભરૂચના જુના તવરા ગામેથી ઝડપી લઇ અમરેલી જીલ્લા જેલ હવાલે મોકલી આપેલ છે આમ અઢી વર્ષથી નાસતા ફરતા કાચા કામના કેદીને પકડી પાડવામાં અમરેલી એલ.સી.બી.એ સફળતા મેળવેલ છે

(3:38 pm IST)
  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST

  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST