Gujarati News

દિવથી વેરાવળ ચાલતી એકતા ટ્રાવેલ્સની ખાનગી બસમાં દારૂ આવતો હોવાની માહિતી મળતા કોડીનાર પોલીસે ઉના રોડ હાઇવે પાસે વોચ ગોઠવી હતી. દરમ્યાન એકતા ટ્રાવેલ્સની બસ રોકાવી ચેક કરી હતી, પરંતુ વાંધાજનક કશું મળ્યું ન હતું, પરંતુ બસમાં પડેલા બે કેરીના બોક્ષમાં શંકા જતા તેની તલાશી લેતા તેમાંથી ૪૬ નંગ બીયરના ટીન મળી આવતા આ બોક્ષ ઘોઘલાના ભારતીબેન મહેન્દ્રભાઇ બારૈયાનું હોવાનું ખૂલતા તેમની અટક કરી રૂ. ૪૬૦૦નો મુદામાલ કબ્જે કર્યો હતો. પોલીસે ટ્રાવેલ્સ ચાલકની પણ પૂછપરછ હાથ ધરી આગળની કાર્યવાહી હાથ ધરી છે ત્યારે કેરીના બોક્ષમાં દારૂની હેરાફેરી કરનાર તત્વોમાં ફફડાટ મચી ગયો છે.