Gujarati News

મોરબીની રાજપર ચોકડી પાસેથી પોલીસે બાતમીને આધારે એક શખ્સને ગેરકાયદેસર પિસ્તલ અને બે જીવતા કાર્ટીસ સાથે ઝડપી લઈને વધુ તપાસ હાથ ધરી છે

મોરબી પંથકમાં ગેરકાયદેસર હથિયારોની હેરાફેરી વધી ગઈ હોય ત્યારે પોલીસ પણ આવા ઇસમોને ઝડપી લેવા સતત દોડધામ કરી રહી છે જેમાં જીલ્લા એસપી એસ આર ઓડેદરાની સુચના અને ડીવાયએસપીના માર્ગદર્શન હેઠળ મોરબી એ ડીવીઝન પોલીસ ટીમ પેટ્રોલિંગમાં હોય દરમીયાન આશીફ ચાણકિયા અને સમરથસિંહ ને ખાનગી રાહે બાતમી મળી હતી કે રાજપર ચોકડી પાસે એક ઇસમ ઉભો હોય જેની પાસે પિસ્તલ હોવાની બાતમી મળતા ટીમે ઈસમને કોર્ડન કર્યો હતો.
અને આરોપીની અંગજડતી લેતા દેશી બનાવટની પિસ્તલ અને બે જીવતા કાર્ટીસ મળી આવ્યા હોય જેથી આરોપી શક્તિસિંહ જયદીપસિંહ જાડેજા (ઉ.વ.૧૯) ( રહે શકત શનાળા મોરબી વાળા) ને ઝડપી લઈને હથિયાર તેમજ જીવતા કાર્ટીસ કબજે લઈને આરોપી વિરુદ્ધ આર્મ્સ એક્ટ મુજબ ગુન્હો નોંધી વધુ તપાસ હાથ ધરી છે.