Gujarati News

જૂનાગઢઃ રાજયમાં બાળમરણ રેશિયો ઘટાડવા તથા નવજાત શિશુ અને માતાઓની કાળજી માટે સરકાર પ્રયત્નશીલ છે. જૂનાગઢ જિલ્લા પંચાયત આરોગ્ય શાખા તથા જૂનાગઢ સિવિલ હોસ્પિટલના સંયુકત ઉપક્રમે તા ૧ ઓગસ્ટ થી તા. ૭ ઓગસ્ટ સુધી સ્તનપાન સપ્તાહ યોજાશે.  જે અન્વયે આજ રોજ  જૂનાગઢ સિવિલ હોસ્પિટલની મુલાકાત ગુજરાત મ્યુનિસિપલ ફાઈનાન્સ બોર્ડના ચેરમેન ધનસુખભાઈ ભંડેરીએ લીધી હતી. આ તકે ધનસુખભાઈ ભંડેરીએ નવજાત શીશુ અને માતાની આરોગ્યની જાણકારી ડોકટર્સ પાસેથી મેળવી હતી. ધનસુખભાઈ ભંડેરીને રાજયના આરોગ્ય વિભાગના ડિરેકટરશ્રી ડો.સુખાનંદી એ સીવિલ હોસ્પિટલમાં કાંગારૂકેર તથા સ્તનપાન સપ્તાહની જાણકારી આપી હતી.શ્રી ધનસુખભાઈ એ માતાઓને પોષણ કીટ, બાળકો માટેની કીટ આપી તેમની તબિયતની પૃચ્છા કરી હતી.