Gujarati News

ભુજ : આગાહી વચ્ચે કચ્છના આકાશમાં કાળા ડિબાંગ વાદળો સાથેનો મેઘાડંબરનો માહોલ છે. પણ, ઘેરાયેલા વાદળો વચ્ચે કચ્છમાં ધીમી ધારે વરસાદ પડી રહ્યો છે. આજે સવારથી કચ્છમાં દસ તાલુકાઓ પૈકી છ તાલુકામાં વરસાદ છે. જેમાં સૌથી વધુ ભચાઉમાં ચાર ઈંચ, ગાંધીધામમાં   દોઢ ઈંચ, અંજાર, રાપરમાં એક ઈંચ તેમ જ ભુજ મુન્દ્રામાં અડધો ઈંચ વરસાદ પડ્યો છે. જ્યારે ૪ તાલુકાઓ અબડાસા, લખપત, નખત્રાણા અને માંડવી કોરા રહ્યા છે.