Gujarati News

  મોરબી જીલ્લામાં કોરોના કહેર સતત વધી રહ્યો છે કોરોનાના કેસોમાં ઉછાળો જોવા મળે છે તો અગાઉ એક દર્દીના મોત બાદ આજે વધુ એક દર્દીનું મોત થતા કોરોનાથી મોરબી જીલ્લામાં મૃત્યુઆંક ૨ થયો છે વાંકાનેરના અમરનાથ સોસાયટીના વૃધ્ધાનું મોત થયું છે

 વાંકાનેરની અમરનાથ સોસાયટીના રહેવાસી ૫૫ વર્ષના વૃધ્ધાનો કોરોના રીપોર્ટ પોઝીટીવ આવ્યો હતો જેની રાજકોટ સિવિલ હોસ્પિટલમાં સારવાર ચાલતી હતી જોકે વૃધ્ધાને છેલ્લા ત્રણ વર્ષથી હાઈપર ટેન્શન અને હૃદયની પણ તકલીફ હતી જે વૃધ્ધાનું આજે રાજકોટ સિવિલ ખાતે મોત થયું છે અને મોરબી જીલ્લામાં અગાઉ રવાપર ગામના યુવાન બાદ કોરોનાથી આ બીજું મોત છે મૃત્યુ પામેલા વૃદ્ધાના પુત્રવધુનો રીપોર્ટ ગત રાત્રીના પોઝીટીવ આવ્યો છે જે પણ હાલ સારવાર હેઠળ છે