Gujarati News

મોરબીના નીચી માંડલ ગામ નજીક બાઈકમાં જતા દંપતીને ટ્રકચાલકે ઠોકર મારતા પતિની નજર સામે પત્નીનું મોત થયું હતું તો પતિને ઈજા પહોંચી હતી અકસ્માત બાદ ટ્રકચાલક ટ્રક મૂકી નાસી ગયો હતો
મોરબીના આંદરણા ગામે રહીને મજુરી કરતા જીતેન્દ્રભાઈ ચંદુભાઈ જાદવ પોલીસ ફરિયાદ નોંધાવી છે કે તે પોતાની પત્ની સાથે બાઈકમાં નીચી માંડલ ગામ નજીકથી જતા હોય ત્યારે ટ્રક જીજે ૧૨ વાય ૮૦૨૫ ના ચાલકે ફરિયાદી જીતેન્દ્રભાઈના બાઈક જીજે ૩૬ કયું ૬૮૦૬ સાથે અકસ્માત સર્જ્યો હતો
જે અકસ્માતમાં મોટરસાયકલમાં સવાર જીતેન્દ્રભાઈ અને તેના પત્ની હેતલબેન રોડ પર પડી જતા હેતલબેનને ગંભીર ઈજા થતા મોત થયું હતું તો જીતેન્દ્રભાઈને ગંભીર ઈજા પહોંચી હતી અકસ્માત બાદ ટ્રક બનાવ સ્થળે મૂકી ટ્રકચાલક નાસી ગયો હતો મોરબી તાલુકા પોલીસે ટ્રકચાલક વિરુદ્ધ અકસ્માતનો ગુન્હો નોંધી તપાસ ચલાવી છે