Gujarati News

વિસાવદર નજીકના ચાપરડા સંકુલમાં રહીને ધો.11 માં અભ્યાસ કરતા રાજકોટના એક છાત્રએ ગળાફંસો ખાઈ આપઘાત કરી લેતા પોલીસે તપાસ હાથ ધરી છે.

  આ અંગેની વિગત મુજબ વિસાવદરના ચાપરડાં ખાતે આવેલ બ્રહ્માનંદ સંકુલમાં રહીને ધો.11 માં અભ્યાસ કરતો રાજકોટનો ઓમિલ વિપુલભાઈ રાજ્યગુરુ ( ઉ,વ,16 ) સંકુલના હોસ્ટેલમાં રૂમમાં પંખા સાથે દોરી બાંધીને ગળાફંસો ખાઈ લેતા પોલીસને જાણ કરવામાં આવી હતી.

પોલીસે તપાસ કરતા પ્રાથમિક દ્રષ્ટિએ ઓમિલને અભ્યાસને લઈને સતત તનાવમાં રહેતો હતો, તે કારણોસર આ પગલું ભર્યું હોવાનું માનવામાં આવે છે. મૃતકની લાશને ફેરેન્સિક પીએમ માટે જામનગર ખસેડી છે. ત્યાર બાદ વધુ વિગતો ખુલશે તેમ જણાવ્યું છે.