Gujarati News

જામનગરઃ હાપા ગામ ખાતે સ્વ.શ્રી વિજયભાઇ વશરામભાઇ મિયાત્રાના સ્મરણાર્થે યોજવામાં આવેલ રકતદાન અને સર્વરોગ નિદાન કેમ્પને અન્ન અને નાગરિક પુરવઠા રાજયમંત્રીશ્રી ધર્મેન્દ્રસિંહ જાડેજાએ ખુલ્લો મૂકયો હતો. આ કેમ્પમાં અન્ન અને નાગરિક પુરવઠા રાજયમંત્રી ધર્મેન્દ્રસિંહ જાડેજાએ લોકોને રકતદાન જેવા માનવસેવાના કાર્યમાં જોડાવા અનુરોધ કર્યો હતો અને આ સેવાના ઉત્કૃષ્ટ કાર્યમાં લોકોને સહયોગ આપવા બદલ તેમજ આ આયોજન બદલ મિયાત્રા પરિવારને બિરદાવ્યા હતા. આ કાર્યક્રમમાં જિલ્લા પંચાયત પ્રમુખશ્રી નયનાબેન માધાણી તથા કેમ્પના આયોજકો અને બહોળી સંખ્યામાં રકતદાતાશ્રીઓ ઉપસ્થિત રહ્યા હતા.