Gujarati News

મોરબી  તા.પઃ મોરબીથી સવારે નેસડા ગામ જવાની એસ.ટી.ની બસન જયારથી   શરૂ થઇ ત્યારથી આ રૂટની બસ મોરબીથી સવારે ૮/૩૦ વાગ્યે ઉપડી- ચાંચાપર થઇને  નેસડા જતી હતી. અને વળતા આજ રૂટ પર આ બસ મોરબી સવારના ૧૦ વાગ્યે પહોંચતી હતી.

છેલ્લા ત્રણેક માસ  થયા એસ.ટી.ના માંધાંતા અમલદારોએ મનસ્વીપણાથી સવારા ૮/૩ં૦ વાગ્યાના બદલે મોરબીથી સવારના ૧૦ વાગ્યે ઉપડવાનો સમય કરેલ હોઇ આ રૂટની બસ ૧ર/૧પ વાગ્યે મોરબી પહોંચતી હોઇ વેપારીઓને વિદ્યાર્થીઓને કોઇ પ્રકારે ઉપયોગી નથી.બસ અનિયમીત અને ખખડધજ  આ રૂટ પર મુકવામાં આવતી હોવાથી પ્રજામાં નિરાશા જન્મી છે. આ રૂટની બસમાં ટપાલના થેલાઓ આવતા હતા તે પણ ટાઇમ મોડો કરતા પ્રજાને ટપાલો પણ મોડી મળે છે. આ મોરબી -નેસડાના રૂટની બસ પ્રથમની જેમ ટાઇમ ટેબલે દોડાવવા માંગણી થઇ રહી છે.