Gujarati News

હળવદમાં પણ ધોધમાર વરસાદ હાલ ચાલુ છે. જે અંદાજે એક કલાકથી લગાતાર ચાલુ હોવાના વાવડ મળી રહ્યા છે. શહેરના મોટાભાગના વિસ્તારોમાં પાણી વહેતા થઈ ગયા છે.ગતરાત્રીના અને આજે આવેલ વરસાદને કારણે હળવદ શહેર ઉપરાંત ગ્રામ્ય પંથકના ઘણા વિસ્તારોમાં છાપરાં ઉડયા હતા તેમજ મકાનોનાં પતરાં પણ ઉડ્યા છે પાંડાતીરથ ગામે વૃક્ષો ધરાશાયી થયા હોવાના વાવડ મળી રહ્યા છે. જ્યારે કડીયાણા ગામમાં વૃક્ષ ટ્રેક્ટર પર પડયું હોવાનું પણ સામે આવ્યું છે જ્યારે પાંડાતીરથ ગામે બાગાયતી ખેતીમાં પણ નુકસાન થયું હોવાનું જાણવા મળે છે.