Gujarati News

(વિનોદ ગાલા દ્વારા)ભુજ::: દિવાળીના તહેવાર વચ્ચે આજે બપોરે ૩.૧૫ વાગ્યે ભારત પાકિસ્તાન સરહદે આવેલા ભૂકંપના જોરદાર આંચકાને પગલે કચ્છ જિલ્લામાં તેની અસર અનુભવાઈ હતી. સરહદી તાલુકાઓ લખપત, અબડાસા, નખત્રાણા ઉપરાંત ખાવડા, ભુજ સહિત કચ્છના અન્ય વિસ્તારોમાં પણ આંચકો અનુભવાયો હતો.

ભુકંપના જોરદાર આંચકાના પગલે લોકો ઘરની બહાર દોડી આવ્યા હતા. લખપતના નવાનગર વિસ્તારમાં મકાનોમાં તિરાડો પડી હોવાનું જાણવા મળ્યું છે. જોકે, કોઈ બીજું મોટું નુકસાન થયું નથી. આંતરરાષ્ટ્રીય સીમાથી ૧૦ કિલોમીટર દૂર ભૂકંપનું કેન્દ્રબિંદુ નોંધાયું છે.