Gujarati News

(નરેશ શેખલીયા દ્વારા) ગોંડલ, તા. ૪ :. ગોંડલ તાલુકાના ગ્રામ્‍ય વિસ્‍તારોમાં દર દિવાળીએ વનરાજાનું આગમન થાય છે અને આ દિવાળીએ પણ ગ્રામ્‍ય વિસ્‍તારોમાં વનરાજાનું આગમન થયુ છે. ગોંડલના રાવણાની સીમમાં રાવણાથી દડવા જવાના કાચા માર્ગે સિંહે આખલાનું મારણ કરતા લોકોમાં ફફડાટ વ્‍યાપી ગયો છે.
આ સિંહે ૨ ગાય ઉપર હુમલો કરીને તેને ઈજા પહોંચાડી હતી.
સિંહે મારણ કરતા વન વિભાગની ટીમે સિંહના સગડ મેળવવા તપાસ હાથ ધરી છે.