Gujarati News

જામકંડોરણાઃ જામકંડોરણામાં જલારામ સ્મૃતિ ચેરીટેબલ ટ્રસ્ટ તથા લોહાણા મહાજન ટ્રસ્ટ અને લોહાણા યુવક મંડળ દ્વારા પૂજયશ્રી જલારામ બાપાની રર૦ મી જન્મ જયંતીની ધામધૂમથી ઉજવણી કરવામાં આવી હતી આ ઉજવણી પ્રસંગે શ્રી જલારામ મંદિરે અન્નકુટ દર્શન, મહાપ્રસાદ, શ્રી જલારામ મંદિરે મહાઆરતી તેમજ શોભાયાત્રા સહિતના કાર્યક્રમો યોજાયા હતા. આ શોભાયાત્રા વાજતે-ગાજતે ડી. જે. ના સંગીત સાથે જલારામ મંદિરથી શરૂ થઇ શહેરના મુખ્ય માર્ગો પર ફરી જલારામ મંદિરે પૂર્ણ થઇ હતી આ શોભાયાત્રામાં મોટી સંખ્યામાં લોકો જોડાયા હતા. (તસ્વીર-અહેવાલ-મનસુખભાઇ સી. બાલધા-જામકંડોરણા)