Gujarati News

ખંભાળિયા, તા. ૪ :. ચકચાર જગાડનાર લશ્કરના બ્રિગેડીયર સ્વ. મોહન મુકુંદસિંહની પાંચેક કરોડની હર્ષદપુરમાં આવેલી જમીન પ્રકરણમાં જિલ્લા કલેકટરની સૂચનાથી આ પ્રકરણમાં ધોરાજીના માનસિંહ મુકુંદસિંહ સરદારજી તથા તપાસમાં જે ખુલે તેના ઙ્ગનામો સામે ફરીયાદ કરવામાં આવેલી. આ કરોડોની જમીન પ્રકરણમાં ખંભાળિયા ઈ.પો. ઈન્સ્પેકટર અરવિંદસિંહ જાડેજા તથા જમાદાર રાજભા જાડેજાએ ઉંડી તપાસ શરૂ કરી છે. જેમા મૂળ સુધી પહોંચવા માટે આ પ્રકરણમાં પંજાબ અને મહારાષ્ટ્ર રાજ્યમાં તપાસનો દોર શરૂ થાય તેવી સંભાવના હોવાનું જાણવા મળે છે.

કહેવાતુ બનાવટી પાવરનામુ મહારાષ્ટ્રમાં થયું હોય તથા સ્વર્ગસ્થ બ્રિગેડીયરનું વતન પંજાબ હોય આ રાજ્યોમાં તપાસનો દોર શરૂ કરાશે તથા ધોરાજીમાં જે જગ્યાએ કુટુંબનો આંબો રજૂ થયો તેમા પણ કેટલાક દસ્તાવેજ બનાવટી હોય તે દિશામાં પણ પોલીસ દ્વારા ઘનિષ્ઠ તપાસ હાથ ધરવામાં આવી છે.