Gujarati News

પાલીતાણામાં પોતાની સગાઇ થઇ ગયેલ બહેન અન્ય પ્રેમી યુવક સાથે ફોન પર વાત કરતી હોઇ ઝઘડો થતાં ભાઇએ સગી બહેનને છરીના ઘા ઝીંકી હત્યા કરી નાખી હતી જેની જાણ થતાં જ પ્રેમી યુવાને ગળાફાંસો ખાઇ આત્મહત્યા વહોરી લીધી હતી.

આ બનાવની વિગતો એવી છે કે, પાલીતાણામાં પ૦ વારીયામાં રહેતા હનીફભાઇ કુરેશીની પુત્રી મુસ્કાન ઉ.વ.૧૭ની સગાઇ ભાવનગરમાં થઇ હતી. આમ છતાં તે અન્ય યુવાન સાથે મોબાઇલ ફોન ઉપર વાતો કરતી હોય આ બાબતે મુસ્કાનને તેના સગાભાઇ અબ્બાસ સાથે ઝઘડો થતાં અબ્બાસે ઉશ્કેરાઇ બેન ઉપર છરીના ઉપરાછાપરી ૧પ ઘા ઝીંકી કરપીણ હત્યા કરી નાખી હતી. બનાવની જાણ થતાં જ પાલીતાણા ટાઉન પોલીસ સ્ટેશનના પીઆઇ માંજરીયા અને સ્ટાફ દોડી આવ્યો હતો અને તપાસ હાથ ધરી છે. દરમિયાન પ્રેમીકાની તેના ભાઇએ હત્યા કરી હોવાનું જાણવા મળતા પાલીતાણામાં જ રહેતા જગદીશ બુધાભાઇ મકવાણા ઉ.વ. રર એ તેના ઘેર ગળાફાંસો ખાઇ આત્મહત્યા વહોરી લીધી હતી. આ બનાવે પાલીતાણામાં ચકચાર સાથે ખળભળાટ મચાવેલ છે.(૮.૬)