Gujarati News

મોરબીના લીલાપર રોડ પરના રહેવાસીઓએ જીલ્લા કલેકટરને આવેદન પાઠવ્યું છે જેમાં જણાવ્યું છે કે લીલાપર રોડ પાંજરાપોળથી ફિલ્ટર હાઉસ સુધીનો રોડ પર રાહદારીઓને ચાલવામાં મુશ્કેલી પડે તેવો બિસ્માર રોડ છે ચોમાસામાં રોડ પરના ખાડામાં પાણી ભરાય છે તો આ રસ્તો ૨ કિમી જેટલો હોય જે તોડી નાખેલ છે જેથી રાહદારીઓ, વાહનચાલકોને અકસ્માતનો સતત ભય સતાવી રહ્યો છે

   લીલાપર રોડ બન્યાને અંદાજે ૨-૩ વર્ષ થયા છે જે રોડ પર ગાબડા પડ્યા છે જે રોડ તાત્કાલિક રીપેર કરવાની માંગ કરવામાં આવી છે અને અને યોગ્ય પગલા ના લેવાય તો ગાંધી ચિંધ્યા માર્ગે આંદોલન કરવાની ચીમકી ઉચ્ચારી છે લત્તાવાસીઓ સાથે શિવસેના મોરબી શહેર પ્રમુખ કમલેશભાઈ બોરીચા સહિતના અગ્રણીઓ પણ જોડાયા હતા અને કલેકટરને તૂટેલા રોડ અંગે રજૂઆત કરવામાં આવી છે