Gujarati News

Gujarati News

News of Tuesday, 4th May 2021

જુનાગઢ પહોંચતાની સાથે સિવિલ હોસ્પિટલની મુલાકાત લેતા મુખ્યમંત્રી વિજયભાઇ રૂપાણી

બેડ સહિતની સુવિધા વધારી વેઇટીંગ ઝીરો કરવા સુચના : દર્દીઓનાં સગા-સંબંધીઓને મળી-વિગતો મેળવી

(વિનુ જોશી દ્વારા) જુનાગઢ તા. ૪: જુનાગઢ પહોંચતાની સાથે જ મુખ્યમંત્રી વિજય રૂપાણીએ સિવીલ હોસ્પિટલની મુલાકાત લીધી હતી.

જુનાગઢ જિલ્લાની કોરોનાની પરિસ્થિતિનો તાગ મેળવવા માટે મુખ્યમંત્રી શ્રી રૂપાણી રાજય કક્ષાની કોર કમીટીનાં સભ્યો સાથે સવારે જુનાગઢ આવી પહોંચ્યા હતા. તેઓએ અહિં પહોંચતાની સાથે જ સિવિલ હોસ્પિટલની મુલાકાત લીધી હતી.

સિવીલ ખાતે મુખ્યમંત્રીશ્રીએ સિવીલ ખાતે ઉપલબ્ધ સુવિધાઓનું જાત નિરીક્ષણ કર્યું હતું તેમજ કોવીડ દર્દીઓનાં સગા-સંબંધીઓને મળ્યા હતા.

આ મુલાકાત દરમ્યાન મુખ્યમંત્રી શ્રી રૂપાણીની સાથે મુખ્ય સચિવ અનિલ મુકિમ, અગ્ર સચિવ જયંતિ રવિ, કલેકટર ડો. સૌરભ પારધી સહિતનાં વહીવટી તંત્રનાં અધિકારીઓ રહ્યા હતા.

સિવીલ ખાતે ડો. સુસીલકુમાર ડો. લાખણોત્રા, ડો. સોલંકીએે કોવીડ દર્દીઓ માટે સારવાર સુવિધા માહિતી આપી હતી.

મુખ્યમંત્રીશ્રીએ આ તકે દર્દીઓનું વેઇટીંગ ઝીરો થાય તે માટે બેડ સહિતની સુવિધા વધારવા સુચના આપી હતી.

(11:51 am IST)
  • આંધ્રપ્રદેશ સરકારે જાહેર કર્યું છે કે રાજ્યમાં કોરોના સંક્રમણ વધતા, રાજ્યમાં 5 મેં થી 14 દિવસ માટે આંશિક કર્ફ્યુ લાગુ કરવામાં આવશે : બધી દુકાનો સવારે 6 થી બપોરે 12 વાગ્યા સુધી જ ખુલી શકશે અને ફક્ત આવશ્યક સેવાઓને જ મંજૂરી આપવામાં આવશે access_time 8:38 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST