Gujarati News

બારડોલી : સુરત જિલ્લાના માંડવી તાલુકાનાં તડકેશ્વર ગામની સીમમાં અવાર નવાર દીપડો નજરે પડતાં સ્થાનિક ગ્રામજનોએ જે અંગે માંડવી વન વિભાગને જાણ કરતાં પાંજરું મૂકવામાં આવ્યું હતું જેમાં આજરોજ વહેલી સવારે 4 વર્ષીય દીપડો પાંજરે પુરાયો હતો.

આ અંગે મળતી માહિતી અનુસાર માંડવી તાલુકાનાં તડકેશ્વર ગામની સીમમાં ખેતરાડી વિસ્તારમાં અવાર નવાર દીપડો નજરે પડી રહયો હતો. જે અંગે ગામના સુરેશભાઇ વસાવાએ માંડવી વન વિભાગને જાણ કરી હતી. અને વનવિભાગ દ્વારા મારણ સાથે પાંજરું ગોઠવવામાં આવ્યું હતું. જેમાં આજરોજ વહેલી સવારે મારણ ખાવાની લાલચે ચાર વર્ષીય દીપડો પાંજરે પુરાયો હતો. વનવિભાગે સ્થળ ઉપર પહોંચી તેનો કબ્જો મેળવી તન્દુરસ્તીની ચકાસણી કરી તેને દૂર જંગલમાં છોડવાની તજવીજ શરૂ કરી છે.