Gujarati News

 મોરબીના ગેસ્ટ હાઉસ રોડ પર યોગી કોમ્પલેક્ષમાં દરિયાલાલ સેલ્સ એજન્સી નામની દુકાનમાં આગ લાગ્યા બાદ આગે વિકરાળ સ્વરૂપ ધારણ કરતા માલીક હરેશભાઇ કોટકની કોમ્પલેક્ષમાં આવેલી બે નીચેની અને બે ઉપરની મળી ચાર દુકાનો ખાક થઇ ગઇ હતી. ફાયર બ્રીગેડની ટીમે ૧૦ ફેરા કરી બે કલાક સુધી પાણીનો મારો ચલાવી આગ કાબુમાં લીધી હતી જો કે, તે પૂર્વે ઉકત ચારેય દુકાનોમાં રહેલ માલ સામાન બળીને ખાક થઇ ગયો હતો. બાજુમાં આવેલી રઘુવીર પ્રોવીઝન નામની દુકાનને પણ નુકશાન થયું હતું. તસ્વીરમાં જે કોમ્પલેક્ષમાં આગ લાગી હતી તે નજરે પડે છે. (તસ્વીર : અહેવાલ પ્રવિણ વ્યાસ મોરબી)