Gujarati News

Gujarati News

News of Saturday, 1st August 2020

મોરબી સિરામિક ઉદ્યોગ વિરોધી પગલાં મુદ્દે રાજસ્થાન સરકારને ફટકો પડયો

સુપ્રીમ કોર્ટે રાજસ્થાન સરકારને હાઈકોર્ટના આદેશ સામે સ્ટે આપવાની ના પાડી છે

જયપુર,તા.૧ : મોરબી સિરામિક ઉદ્યોગ અને મિનરલ્સ ઉદ્યોગની તરફેણમાં રાજસ્થાન હાઈકોર્ટે આપેલા ચુકાદા સામે રાજસ્થાન સરકારે સુપ્રીમ કોર્ટમાં અરજી કરેલી છે. જેમા, સુપ્રીમ કોર્ટે રાજસ્થાન સરકારને હાઈકોર્ટના આદેશ સામે સ્ટે આપવાની ના પાડી છે. આ અરજી પરની વધુ સુનાવણી આગામી દિવસોમાં થશે. રાજસ્થાન હાઈકોર્ટના ચુકાદાનું રાજસ્થાન સરકાર પાલન કરતી ન હોવાથી તેની સામે મોરબી સિરામિક એસો. અને અન્ય અરજદારોએ હાઈકોર્ટમાં કન્ટેમ્પ્ટની અરજી અને સુપ્રીમ કોર્ટમાં કેવિએટ પણ કરેલી છે.

૨૦૧૮ અને ૨૦૧૯માં રાજસ્થાન સરકારે પરિપત્ર બહાર પાડીને ખનીજ ફેલ્ડસ્પારના પત્થર, ગ્રેઈન્સ, ચિપ્સ અને ગીટીને રાજય બહાર મોકલવા પર રોક લગાવી દીધી હતી. આ તમામ વસ્તુઓ મોરબીના સિરામિક ઉદ્યોગ માટે કાચા માલ સમાન છે. જેથી, રાજસ્થાન સરકારના નિર્ણય સામે મોરબી સિરામિક એસોસિએશન અને અન્ય લોકોએ રાજસ્થાન હાઈકોર્ટમાં અરજી કરી હતી. જેમાં, તેમની રજૂઆત હતી કે, રાજસ્થાન સરકારે તેમના જૂની ટેકનોલજીવાળા બોલ બિલના સ્થાનિક ઉદ્યોગકારોના હિતમાં આ પરિપત્ર બહાર પાડયા છે. જો કે, તેના લીધે એક રાજયમાં બીજા રાજયમાં થતાં વેપાર અને વાણિજયને અસર થઈ છે. જે ગેરકાયદે છે. એપ્રિલ ૨૦૨૦માં હાઈકોર્ટે રાજસ્થાન સરકારના આ બંને પરિપત્રને રદ કરી દીધા હતા. હાઈકોર્ટનુ અવલોકન હતુ કે, એક રાજયમાંથી બીજા રાજયમાં ખનીજને મોકલવા પર રાજસ્થાન સરકાર રોક લગાવી શકે નહીં. રાજય સરકાર આ પ્રકારનો પ્રતિબંધ ત્યારે જ લગાવી શકે કે, જયારે ગેરકાયદે ખનન થતુ હોય અથવા તો ખનીજનું સ્ટોરેજ થતું હોય.મહત્વનુ છે કે, મોરબીએ સિરામિક ઉદ્યોગનુ હબ છે. જેમાં, ફેલ્ડસ્પાર ખનીજ એ કાચા માલ તરીકે વપરાય છે. મોરબીમાં, ગ્રેઈન્સ, ચિપ્સ અને ગીટ્ટીને પીસીને ગુણવત્ત્।ાવાળી માટી બનાવવાની અદ્યતન ટેકનોલજી વિકસેલી છે. જે માટીને સિરામિક ઉદ્યોગકારો ઉપયોગમાં લે છે.

(11:23 am IST)
  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST

  • અમરેલી જીલ્લામાં વધુ 11 કોરોના પોઝિટિવ કેસ નોંધાયા:જીલ્લામા કોરોના પોઝિટિવ કેસની સંખ્યા 463એ પહોંચી : અત્યાર સુધીમાં કુલ 16 ના મોત : 183 એક્ટીવ કેસ : 264 દર્દીઓ સ્વસ્થ થયા access_time 10:22 pm IST

  • રાજકોટની નાથાલાલ પારેખ કેન્સર હોસ્પિટલ ૧૬ ઓગષ્ટ સુધી બંધઃ સ્ટાફ નર્સમાં ગઇકાલથી કોરોના સંક્રમણ થતા સાવચેતી માટે હોસ્પિટલ બંધ કરાવ્યુ હોવાની સત્તાવાર જાહેરાતઃ હોસ્પિટલ સંકુલ સેનેટાઇઝ કરવા સહિતના સુરક્ષાના પગલા access_time 3:26 pm IST