Gujarati News

Gujarati News

News of Saturday, 1st August 2020

ગોંડલ સબજેલમાં વધુ ૧૦ કેદીઓ કોરોનાની ઝપટે : ૧૦૩ કેદીઓમાંથી કુલ ૨૩ના રિપોર્ટ પોઝિટિવ

તસ્વીરમાં કોરોના દર્દીને સારવારમાં લઇ જવાય તે નજરે પડે છે. (તસ્વીર : ભાવેશ ભોજાણી, ગોંડલ)

ગોંડલ તા. ૧ : ગોંડલ શહેર પંથકમાં દિવસેને દિવસે કરોના પોઝિટિવ કેસ વધી રહ્યા છે ત્યારે સમયાંતરે અત્રેના વોરાકોટડા રોડ પર આવેલ સબજેલમાં પણ પોઝિટિવ કેસ નોંધાઈ રહ્યા હોય ગતરોજ રાજકોટ જિલ્લા કલેકટર દ્વારા સબ જેલની મુલાકાત વેળાએ તમામ કેદીઓનું રેપિડ ટેસ્ટ કરવાનું જણાવતા જેલર ડી કે પરમાર અને જેલ અને આરોગ્ય તંત્ર દ્વારા આજે ૪૩ કેદીના કોરોના રિપોર્ટ કરવામાં આવતા ૧૦ કેદીઓ કોરોના પોઝિટિવ આવતા જેલ તંત્ર હચમચી ગયું હતું. અગાઉ તેર કેદીઓ પોઝીટીવ બની ચુકયા છે.

જેલર ડી કે પરમારે જણાવ્યું હતું કે હાલ ગોંડલ સબજેલમાં ૧૦૩ કેદી સજા ભોગવી રહ્યા છે ત્યારે બેરેક નંબર ત્રણ અને ચારમા કોરોના પોઝિટિવ કેસ આવી રહ્યા હોય બેરેક નંબર ૩ , ૪ અને વીસીમાં રહેતા આશરે ૪૩ કેદીઓના કોરોના ટેસ્ટ કરતા ૧૦ કેદીના રિપોર્ટ પોઝિટિવ આવતા વધુ કાર્યવાહી હાથ ધરવામાં આવી છે. સદ્નશીબે જેલ તંત્રના કોઈ કર્મચારી કે અધિકારી ઓ હજી સુધી સંક્રમિત થવા પામ્યા નથી અત્યાર સુધીમાં સબજેલમાં ૨૩ કેદીઓ કોરોના પોઝિટિવ થવા પામ્યા છે.કોરોના પોઝીટીવ માટે સબજેલ 'હોટસ્પોટ' બની હોય કેદીઓ સહિત જેલતંત્ર ભયભીત બનવાં પામ્યું છે.

(10:22 am IST)
  • દ્વારકા જિલ્લામાં કોરોનાએ કહેર વર્તાવ્યો: જિલ્લામાં કુલ કેસો 73 થયા:ગુંદા ગામે 4 લોકોનો કોરોના રિપોર્ટ પોઝીટીવ : સ્નેહ રાકેશ પાડલીયા 12 વર્ષ, ચાંદ અનિલ લાલકીયા 14 વર્ષ , યુગ રેનિસ અમૃતિયા 09 વર્ષ અને રાકેશ દામજી પાડલિયા 38 વર્ષ આ ચાર લોકોના રિપોર્ટ પોઝીટીવ આવ્યા બાદ તેઓને સરકારી હોસ્પિટલ ખસેડાયા : જિલ્લામાં કુલ કેસો 73 થયા : તેન લોકોના મૃત્યુ : 33 દર્દીઓ ડિસ્ચાર્જ અને 37 દર્દીઓ એક્ટિવ કેસો access_time 10:21 pm IST

  • સોમથી બુધ વચ્ચે મહારાષ્ટ્રમાં અનેક સ્થળોએ ૪ ઇંચથી વધુ વરસાદ ખાબકવા આગાહી : ચોમાસુ ડીપ્રેશનને લીધે એકદંરે મહારાષ્ટ્રમાં સારો વરસાદ પડશે તેમ જાણીતા વેધર એનાલીસ્ટ અશોક દેવરસે ટવીટર દ્વારા જાહેર કર્યું છે. અત્યારે પ્રવર્તમાન ભારે ગરમી અને બફારાથી લોકોને મોટી રાહત મળશે access_time 1:18 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST