Gujarati News

Gujarati News

News of Saturday, 1st August 2020

અનલોક પછી કચ્છમાં કોરોના બેકાબૂઃ વધુ ૧ મોત અને ૨૦ કેસ સાથે જુલાઈમાં જ ૩૬૬ કેસથી ફફડાટ

વધુ ૨ મોત પૈકી ૧ નોંધાયું: ભુજની મહિલાના મોત સાથે કુલ ૨૬ મોતઃ અંજારની મહિલાનું મોત રિપોર્ટ ઉપર પેન્ડિંગઃ કચ્છમાં માહિતી બાબતે તંત્રની લુકાછુપીથી લોકોમાં કોરોનાનો ભય વધ્યો

ભુજ,તા.૧: કચ્છમાં અનલોક પછી બેકાબૂ બનેલા કોરોનાએ વધુ બે માનવ જિંદગીનો ભોગ લીધો છે. જે પૈકી ભુજના જૂની રાવલવાડીમાં રહેતા હંસાબેન નવીનચંદ્ર સોની (ઉ.૫૭) નું મોત દર્શાવાયું છે.

ગઈકાલે બપોરે ૧૧.૪૬ વાગ્યે તેમનું મોત નીપજયું હતું. તેમના મોતના કારણમાં ડાયાબીટીસ અને હૃદયરોગ સંબંધી અન્ય તકલીફ હોવાનું જણાવાયું છે. જયારે અંજારના નિર્મળાબેન શાહ (ઉ.૬૮, ગંગા નાકા) નો રિપોર્ટ હજી આવ્યો ન હોઈ તેમનું મોત ચોપડે દર્શાવાયું નથી.

જોકે, કોરોના પોઝિટિવ દર્દીઓ હોય કે કોરોનાથી થતાં મોત હોય કચ્છમાં માહિતીની લુકાછુપીથી લોકોમાં કોરોનાનો ભય વધ્યો છે. આદિપુર, ભુજ, અંજાર સહિત અનેક કોરોનાના કેસોમાં બબ્બે દિવસ પછી તંત્ર દર્દીઓના નામ યાદીમાં દર્શાવે છે.

 દરમ્યાન આજે નોંધાયેલા ૨૦ કેસમાં કોરોનાનો અંજાર, ગાંધીધામ, ભુજમાં વિસ્ફોટ થયો છે. આજે ગાંધીધામમાં ૬, અંજારમાં ૫, ભુજમાં ૪, સાંધીપુરમ (અબડાસા)માં ૩, નખત્રાણા ૧ અને રાપરમાં ૧ દર્દી મળી ૨૦ કેસ થયા છે. માત્ર જુલાઈ મહિનામાં જ કોરોનાના કેસ ૩૬૬ નોંધાયા છે. કુલ ૫૩૦ કેસમાં ૩૬૬ કેસઙ્ગ જુલાઈમાં નોંધાતા આંકડાઓ સ્પષ્ટ દર્શાવે છે કે, અનલોક પછી કચ્છમાં કોરોના બેકાબૂ થયો છે.ઙ્ગ

આજની કચ્છની આંકડાકીય માહિતી જોઈએ તો, કોરોનાના એકિટવ કેસ ૧૭૦ છે. જોકે, કચ્છમાં કોરોનાને હરાવનારા દર્દીઓની સંખ્યા ૩૩૪ જેટલી નોંધપાત્ર થઈ છે. તો મૃત્યુ પામનાર ૨૬ છે. કુલ દર્દીઓ ૫૩૦ થયા છે.

(11:14 am IST)
  • ભુજની રાવલવાડીમાં કોરોનાથી એક મહિલાનું મોત :આખી શેરી કવોરોન્ટાઇન હેઠળ:લોકલ સંક્રમિતની વિગતો તંત્ર આપે:આજુબાજુમાં ભયનો માહોલ:મહિલા ઓટલા પરિષદમાં રોજ હાજરી પુરાવતા જ્યાં અનેક વૃદ્ધ મહિલાઓ પણ બેસતા:અન્ય કેટલા લોકો સંપર્કમાં આવ્યા તપાસ સાથે તકેદારીનો વિષય access_time 9:45 pm IST

  • દેશમાં કોરોનાના કહેર વચ્ચે અત્યાર સુધીમાં સૌથી વધુ એક જ દિવસમાં રેકોર્ડબ્રેક 51232 દર્દીઓ રિકવર થયા :મહારાષ્ટ્રમાં નવા કેસ કરતા સ્વસ્થ થનાર દર્દીની સંખ્યા વધુ : દેશમાં કોરોનાના સૌથી વધુ કેસ ધરાવતા મહારાષ્ટ્રમાં નવા 8601 કેસ નોંધાયા જયારે 10,725 દર્દીઓ સાજા થયા: તામિલનાડુમાં નવા 5879 કેસ સામે 7010 દર્દીઓ સાજા થયા અને આંધ્રપ્રદેશમાં નવા 9276 કેસ સામે 12,750 લોકોએ કોરોના સામે જંગ જીત્યો access_time 11:34 pm IST

  • શ્રીલંકાના કોલંબો બંદર પરના તમામ કામકાજ શુક્રવારે સાંજે, ઇસ્ટ કન્ટેનર ટર્મિનલ (ઇસીટી) ભારતને લીઝ પર આપવાના વિરોધમાં, સ્ટોપ કરી દેવામાં આવ્યા. શ્રીલંકાના પોર્ટ ઓથોરિટી દ્વારા જ તમામ ઇસીટી કામગીરી શરૂ કરવા સત્તાધિકારીઓને અપીલ કરવા કોલંબો પોર્ટના તમામ ટ્રેડ યુનિયનો દ્વારા આ વિરોધ દર્શાવતા દેખાવો યોજાયા હતા access_time 10:20 pm IST