ગોંડલમાં ટાઉનહોલ ખાતે મુખ્‍યમંત્રીશ્રી વિજયભાઇએ પ્રધાનમંત્રીના ‘‘મન કી બાત’’ કાર્યક્રમને લોકો સાથે બેસી સાંભળ્યો

News of Monday, 1st July 2019

ગોંડલમાં ટાઉનહોલ ખાતે મુખ્‍યમંત્રીશ્રી વિજયભાઇએ પ્રધાનમંત્રીના ‘‘મન કી બાત’’ કાર્યક્રમને લોકો સાથે બેસી સાંભળ્યો

ગોંડલ : રાજયના મુખ્‍યમંત્રી શ્રી વિજયભાઇ રૂપાણીએ આજે ગોંડલ ખાતે ગોંડલના રાજવી મહારાજા સરભગવતસિંહજી ટાઉન હોલ - લાયબ્રેરી તથા પૂ. પ્રમુખ સ્‍વામી મહારાજ સાયન્‍સ સેન્‍ટર કમ સ્‍પોર્ટસ બિલ્‍ડીંગનું ઉદ્ઘાટન કર્યુ હતું. આ પ્રસંગે મુખ્‍યમંત્રી શ્રી રૂપાણીએ વડાપ્રધાનશ્રીના ‘‘મન કી બાત’’ કાર્યક્રમને લોકો સાથે બેસીને માણ્‍યો હતો. તેઓએ આ પ્રસંગે જણાવ્‍યું હતું કે આગામી બે વર્ષ સુધી પાણીને પ્રાધાન્‍ય આપીને વિકાસના કામોને આગળ ધપાવવામાં આવશે. વડાપ્રધાનશ્રીના જળ અભિયાન અંતર્ગત વરસાદના પાણીનો એક-એક ટીપુ બચાવવા દેશના જન આંદોલનમાં ગુજરાત પુનઃ જોડાશે અને આગેવાની લેશે તેવી ખાત્રી આપી હતી. મંત્રી શ્રી વિજયભાઇ રૂપાણી એ વધુમાં જણાવ્‍યું હતું કે સમાજ જીવનને સ્પર્શતા વિષયો-બાબતોની સહજ ભાવે સંવાદગોષ્ઠિ ટુ વે કોમ્યુનિકેશનથી મન કી બાત આજે સવાસો કરોડ ભારતવાસીઓના મનની જન-જનની વાત બની ગઇ છે