Gujarati News

તસ્‍વીરમાં માંગરોળનો હનીફ બમ સારવારમાં નજરે પડે છે અને હોસ્‍પિટલે પોલીસનો કાફલો દોડી આવ્‍યો હતો.

જુનાગઢ તા. ૧ : જુનાગઢ જીલ્લાના માંગરોળના મુસ્‍લિમ યુવકનું અપહરણ થયા બાદ તેને માર મારવામાં આવ્‍યો હોવાની ચર્ચાઓ જોર પકડયું છ.ે ત્‍યારે આ યુવકે અપહરણનું નાટક કર્યાનું ચર્ચાઇ રહ્યું છે.

પ્રાપ્ત માહિતી મુજબ માંગરોળના ફનીફ બમને ઇજાગ્રસ્‍ત હાલતમાં રાજકોટ સિવિલ હોસ્‍પિટલે ખસેડવામાં આવ્‍યો હતો જયા આ યુવકનું અપહરણ થયાનું અને અપહરણકારોએ તેને માર મારતા સારવારમાં આવ્‍યો હોવાનું ખુલ્‍યુ હતું.

જેથી રાજકોટ પોલીસ કાફલા પણ ઘટના સ્‍થળે દોડી આવ્‍યો હતો. અને સારવાર બાદ આ યુવક માંગરોળ જતો રહ્યો હતો.

જો કે માંગરોળ પોલીસે તેની પુછપરછ કરતા તેણે જાતે જ બ્‍લેડના છરકા મારીને અપહરણનુ નાટક કર્યું હોવાનું પ્રાથમીક તપાસમાં ખુલ્‍યુ છે.

માંગરોળ પોલીસે આ બનાવ અંગે વધુ તપાસ અને પુછપરછ હાથ ધરી છે.