Gujarati News

Gujarati News

News of Monday, 1st March 2021

ઓખામાં વિજ્ઞાન દિવસની ઉજવણી

 ઓખા : રાષ્ટ્રીય વિજ્ઞાન દિવસ અંતર્ગત ઓખા ન.પા. સ્કુલ પ્રાથમિક વિભાગમાં ધોરણ આઠમાં બંને વર્ગોમાં વિજ્ઞાન પ્રશ્નોતરીનુ આયોજન કરાયુ હતુ. ૩૬ વિદ્યાર્થીઓએ ભાગ લીધેલ. ભારતીય વૈજ્ઞાનિક ડો. સી.વી.રામન જેઓને ભૌતિક વિજ્ઞાનના ક્ષેત્રમાં તેઓની શોધધ માટે નોબલ પ્રાઇઝ મળેલુ તે સન્માનમાં શાળા કોલેજોમાં રાષ્ટ્રીય વિજ્ઞાન દિવસની ઉજવણી થતી હોય છે અને વિદ્યાર્થીઓ વિજ્ઞાનની કૃતિઓ રજૂ કરી ભાગ લેતા હોય છે. વિજ્ઞાન શિક્ષિકા શ્રીમતી પ્રીતીબેન ચાવડાએ આ વખત વિદ્યાર્થીઓને ઝીરો વેસ્ટ અંતર્ગત કમ્પોસ્ટ ખાતર બનાવવાની રીત શીખવી હતી જે શીખ્યા બાદ વિદ્યાર્થીનીઓ ઘરેથી કીચન વેસ્ટ લાવીને રીસેશમાં ડેમો રજૂ કર્યો હતો. કિચન વેસ્ટમાં શાકભાજીની છાલ સાથે સુકા પાંદડાને ભેળવીને થોડી ખાટી છાશ ઉમેરી બરણીને દરઅઠવાડીયે હલાવી આશરે રપ દિવસમાં ખૂબ જ કિંમતી એવુ કમ્પોસ્ટ તૈયાર થાય છે. એમ શીખવ્યુ હતુ. ધોરણ આઠમાં કવીઝ દરમિયાન વિદ્યાર્થીઓએ સવાલોના જવાબ આપ્યા હતા અને શાળાના આચાર્ય મહેન્દ્રસિંહ જાડેજાએ અભિનંદન પાઠવ્યા હતા.

(12:17 pm IST)
  • ટ્રેકટરો બળતણ ભરેલા સાથે તૈયાર રહેવાનું હજ્‍જારો ખેડૂતોને જણાવાયું છે, દિલ્‍હી માટે ગમે ત્‍યારે ‘કોલ' આપી શકાય છે : કથિત ખેડૂત નેતા રાકેશ ટિકૈત access_time 11:37 am IST

  • અમેરિકામાં ફરી કોરોના કેસો ઘટવા લાગ્યા, છેલ્લા ૨૪ કલાકમાં ૪૯ હજાર નવા કેસ નોંધાયા: બ્રાઝિલમાં ૩૪ હજાર, ફ્રાન્સમાં ૧૯ હજાર, ઇંગ્લેન્ડ અને જર્મનીમાં ૬ હજાર ભારતમાં ૧૫૫૦૦ અને યુનાઈટેડ આરબ અમીરાતમાં થોડા ઘટીને ૨૯૦૦ નવા કેસ નોંધાયા છે: જ્યારે ઓસ્ટ્રેલિયામાં ૫, ચીનમાં ૧૯ અને હોંગકોંગમાં ૨૨ નવા કોરોના કેસ નોંધાયા access_time 12:25 pm IST

  • રીવરફ્રન્ટ ઉપર વધુ એક મહિલાએ આત્મહત્યાનો પ્રયાસ કર્યો :અમદાવાદના રાયપુર વિસ્તારમાં રહેતી એકે મહિલાએ સાબરમતી રીવરફ્રન્ટ પર કુદીને આત્મહત્યાનો -યાસ કર્યો હતો. અમદાવાદ રિવરફ્રન્ટ પર પુલથી મહિલા જેવી જ નદીમાં કુદી ફાયરબ્રિગેડની સ્પીડ બોટ તુરંત ઘટનાસ્થળે પહોચી ગઇ હતી અને મહિલાનો જીવ બચાવ્યો હતો. મહિલાને તે બાદ રીવરફ્રન્ટ પોલીસ સ્ટેશને લઇ જવામાં આવી હતી. પોલીસ હવે મહિલાના આત્મહત્યાના કારણની તપાસ કરશે અને તે બાદ વધુ કાર્યવાહી હાથ ધરશે. access_time 4:27 pm IST