Gujarati News

ભાણવડ તાલુકાના કેબલ ઓપરેટરોએ વ્યથા વ્યકત કરેલ છે કે, ટ્રાઇના આ નવા નિયમનથી કેબલ ઓપરેટરો બેરોજગાર જ થઇ જશે કારણ કે, નાના અને મધ્યમ વર્ગના ગ્રાહકોને આ નવા એમ.આર.પી. નિયમથી થનારો અસહય ભાવ વધારો ગરીબ અને મધ્યમ વર્ગના લોકોને કોઇ કાળે પરવડી શકે તેમ નથી અને આવા વર્ગના બધા ગ્રાહકો તેમના કનેકશન કઢાવી નાખશે. ટ્રાઇનો આ નિર્ણય ગરીબ, મધ્યમ વર્ગ તેમજ ગ્રામ્ય વિસ્તારના ગ્રાહકોના હિતને ધ્યાનમાં લીધા વગર કરવામાં આવેલ છે જેઓને નાના કેબલ ઓપરેટરો સસ્તુ અને સારૂ મનોરંજન પુરૂ પાડી રહે છે ત્યારે આ અસહય ભાવવધારાના કારણે ગ્રાહકો જ ન રહે તો નાના કેબલ ઓપરેટરોની રોજી જ છીનવાઇ જાય એમ છે. ત્યારે ટ્રાઇ ના આ નિર્ણયનો સખ્ત વિરોધ કરવામાં આવે છે નાના કેબલ ઓપરેટરો અને ગરીબ-મધ્યમવર્ગના ગ્રાહકોના હિતને ધ્યાનમાં રાખીને આ નવા નિયમો રદ કરવામાં નહિ આવે તો નાના કેબલ ઓપરેટરો તેમજ ગરીબ-મધ્યમગર્વના ગ્રાહકોએ નાછુટકે આશ્ચર્યજનક કાર્યક્રમો, આમરણાંત ઉપવાસ અને ચુંટણી બહિષ્કાર સહિતના કાર્યક્રમો આપવાની ફરજ પડસે. અહિના ઓપરેટરોએ બાઇક રેલી યોજી આવેદન પાઠવ્યું હતું.(૭.૭)