Gujarati News

Gujarati News

News of Saturday, 31st October 2020

આપણા અખંડ ભારતના ઘડવૈયા અને રાષ્ટ્રીય એકતાના શિલ્પી લોહ પુરૂષ સરદાર પટેલની જન્મજયંતિએ આપણે તેમના ચીંધેલા માર્ગે ચાલીએ તેમજ તેમના અખંડ ભારતના સપનાને વધુ સુદ્ઢ-મજબુત બનાવીએઃ નાયબ મુખ્યમંત્રી નીતીનભાઇ પટેલ

સરદાર પટેલની શનિવારે 145મી જન્મ જયંતિ નિમિત્તે રાજકોટ પોલીસે પરેડને નીતીનભાઇ પટેલે રાજકોટ બહુમાળી ભવને સરદાર સાહેબની પ્રતિમા ખાતેથી પરેડને લીલી ઝંડી આપી

રાજકોટ: સરદાર પટેલની શનિવારે 145મી જન્મ જયંતિ નિમિત્તે રાજકોટ પોલીસે પરેડ યોજી હતી. રાષ્ટ્રીય એક્તા દિવસની ઊજવણીના ભાગરુપે નાયબ મુખ્યમંત્રી નીતીન પટેલે રાજકોટ બહુમાળી ભવને સરદાર સાહેબની પ્રતિમા ખાતેથી પરેડને લીલી ઝંડી આપી હતી.

Police paradeના કાર્યક્રમના પ્રારંભમાં નાયબ મુખ્યમંત્રી નીતિન પટેલે સરદાર પટેલની પ્રતિમાને ફુલહાર પહેરાવી શ્રધ્ધાંજલિ અર્પણ કરીને ‘રાષ્ટ્રીય એકતા દિવસ’ના શપથ લેવડાવ્યા હતા. આ પ્રતિમા પાસે આવેલ સરદાર સરોવરના મોડેલની તેમણે પ્રશંસા પણ કરી હતી.

આ પ્રસંગે નાયબ મુખ્યમંત્રી નીતીન પટેલે જણાવ્યુ કે, “આપણા અખંડ ભારતના ઘડવૈયા અને રાષ્ટ્રીય એકતાના શિલ્પી લોહ પુરૂષ સરદાર પટેલની જન્મજયંતિએ આપણે તેમના ચીંધેલા માર્ગે ચાલીએ તેમજ તેમના અખંડ ભારતના સપનાને વધુ સુદ્ઢ-મજબુત બનાવીએ.”

“આજે આપણુ અખંડ ભારત વિકસિત, સમૃધ્ધ અને સલામત છે તેવુ સપનુ આઝાદીના સમયે સરદાર સાહેબે જોયુ હતું. વડાપ્રધાન નરેન્દ્ર મોદીએ સરદાર સાહેબના જન્મદિનને રાષ્ટ્રીય એકતા દિવસ તરીકે ઉજવવાનું નકકી કર્યુ છે.”

“દેશને ગૌરવ થાય તેવી કેવડિયા કોલોની ખાતે સરદાર સાહેબની વિશ્વની સૌથી મોટી પ્રતિમાનું નિર્માણ આપણે કરી સરદાર સાહેબના પ્રેરણારૂપ કામોને શ્રધ્ધાસુમન અર્પણ કર્યા છે.”

કોરોના મહામારીને લીધે રન ફોર યુનિટી ન યોજાઇ

આપણે સરદાર સાહેબની જન્મજયંતિને રન ફોર યુનિટીના માધ્યમથી ઉજવણી કરતા હતા. પરંતુ કોરોનાના સંક્રમણના લીધે આ વર્ષે તે શકય બની શકયુ નથી. રાજકોટના પોલીસ અને ટ્રાફિકના જવાનો પરેડના માધ્યમથી દેશભકિત, એકતા અને સલામતીનો જોમ અને જુસ્સો પૂરા પાડશે તે ગૌરવની વાત છે, તેમ પટેલે ઉમેર્યુ હતું.

પોલીસ જવાનોને ઉદેશીને નાયબ મુખ્યમંત્રીએ જણાવ્યુ હતું કે, આપણે આપણી આંતરિક સલામતીને પણ વધુ મજબુત બનાવીને બહાદુરીપૂર્વક તેને નિભાવવી જોઇએ. આપણી આતંરરાષ્ટ્રીય સરહદો પણ સલામત રહે તેવી શુભકામના પાઠવી હતી.

આ પ્રસંગે ધારાસભ્ય અરવિંદ રૈયાણી, કલેકટર રેમ્યા મોહન, સયુંકત પોલીસ કમિશનર ખુરશીદ અહેમદ, પોલીસ અધિક્ષક બલરામ મીના, નાયબ પોલીસ કમિશનર પ્રવિણકુમાર સહિત આગેવાનો, પદાધિકારીઓ, અધિકારીઓ વગેરે ઉપસ્થિત રહ્યા હતા.

(5:34 pm IST)
  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST

  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST

  • લવ જેહાદ કરવાવાળા સુધરી જાવ ,નહીં તો ' રામ નામ સત્ય છે ' ની યાત્રા નીકળશે : હાઇકોર્ટની ટિપ્પણી બાદ ઉત્તર પ્રદેશ મુખ્યમંત્રી યોગી આદિત્યનાથની કડક ચેતવણી : બહેન દીકરીઓની જિંદગી સાથે રમત કરનારાઓને માફ નહીં કરાય access_time 6:06 pm IST