Gujarati News

રાજકોટ તા. ૩૧ : વૈશ્વિક મહામારી કોરોના (COVID 19) એ સમગ્ર દેશમાં હાહાકાર મચાવ્યો છે અને લાખો લોકોના મૃત્યુ તથા કરોડો લોકો કોરોનાગ્રસ્ત બન્યા છે. કોરોનાના જીવલેણ રોગથી રાજકોટ તથા સૌરાષ્ટ્રના કોઇપણ રઘુવંશી અનાયાસે સંક્રમિત થાય તો તેના માટે સચોટ માર્ગદર્શન સાથે યોગ્ય સારવાર મળી રહે તે માટે રાજકોટ લોહાણા મહાજન દ્વારા 'કોેવિડ ગાઇડન્સ ગ્રુપ' ની રચના કરવામાં આવી છે.

'કોવિડ ગાઇડન્સ ગ્રુપ' માં સરકાર માન્ય કોવિડ કેર સેન્ટર્સ -કોવિડ હોસ્પિટલ્સમાં સેવા આપતા નામાંકીત ડોકટર્સ જોડાયેલા છ,ે જેઓના એડ્રેસ ફોન નંબર સહિતની વિગતો આ સાથે આપેલ છે. સાથે-સાથે રાજકોટ સિવિલ હોસ્પિટલ પણ સહયોગ આપી રહી છે. સરકારના નિતી-નિયમ પ્રમાણે ચાર્જ લઇને તમામ જગ્યાએ ઉત્કૃષ્ટ  સારવાર આપવામાં આવશે તેવું રાજકોટ લોહાણા મહાજનના પ્રમુખ રાજુભાઇ પોબારૂ તથા કારોબારી પ્રમુખ ડો. નિશાંતભાઇ ચોટાઇની યાદીમાં જણાવાયું છે. વધુ વિગતો માટે શ્રી રાજકોટ લોહાણા મહાજન ટ્રસ્ટ, મહિલા કોલેજ સામે, ભવાની ગોલા પાસે, અન્ડરબ્રીજ, કાલાવડ રોડ, રાજકોટ (ફોન નં.૦ર૮૧-ર૪૭૩૧૧૪/ર૪૭૩૧૧પ) નો ઓફીસ ટાઇમ દરમ્યાન સંપર્ક કરી શકાય છે.

જ્ઞાતિહિત તથા જ્ઞાતિ ઉત્કર્ષની સતત સેવાકીય પ્રવૃતિ કરતા રાજકોટ લોહાણા મહાજનના તમામ સભ્યો સમગ્ર સમાજનું સ્વાસ્થ્ય સારૃં રહે તે માટે પ.પૂ જલારામબાપાને પ્રાર્થના કરી રહ્યા છે.

કોવિડ ગાઇડન્સ ગ્રુપ સાથે સંકળાયેલ ડોકટર્સ તથા હોસ્પિટલ્સ