Gujarati News

રાજકોટ તા. ૩૧ : કોરોનાએ દિન પ્રતિદિન વધુ કહેર મચાવી રહ્યો છે. કોરોના હવે રાજકોટ શહેરમાં તમામ ક્ષેત્રમાં પહોંચી ગયો છે. આજે રાજકોટની કેન્સર હોસ્પિટલમાં એક સાથે ૩ નર્સને કોવિડ-૧૯નો રિપોર્ટ પોઝિટિવ આવતા ખળભળાટ મચી જવા પામેલ છે.

આ અંગે મ્યુનિ. કોર્પોરેશનના નાયબ અધિકારી ડો. પી.પી. રાઠોડના જણાવ્યા પ્રમાણે નાથાલાલ પારેખ કેન્સર હોસ્પિટલમાં ફરજ બજાવતા ૩ નર્સને કોરોનાના શંકાસ્પદ લક્ષણો જણાતા ગઇકાલે રિપોર્ટ કરાવેલ જે આજે પોઝિટિવ આવ્યો છે.

કેન્સર હોસ્પિટલમાં સારવાર કરાવવા આવતા દર્દી તેમના સગા અને ફરજ પરના તબીબોમાં પણ ચિંતાની લાગણી ફેલાઇ છે.