Gujarati News

રાજકોટ: શહેરના જ્યુબેલી બાગ નજીક ટ્રાફિક નિયમ ભંગ કરનાર એક મહિલાને ટ્રાફિક વોર્ડને પીછો કરીને અટકાવી હતી. વોર્ડને રોકવા છતાં આ મહિલાએ નાસી છૂટવાનો પ્રયાસ કર્યો હતો. જેને પગલે ઉશ્કેરાઈને ટ્રાફિક વોર્ડને પણ ચાલુ એક્ટિવા પાછળથી પકડી રાખ્યું હતું અને તેની પાછળ દોડી તેને અટકાવ્યું હતું. આમ એકતરફ નિયમ ભંગ કરીને મહિલાએ ગુનો કર્યો હતો.

  બીજીતરફ મહિલા વોર્ડન દ્વારા પણ ચાલુ એક્ટિવાને પાછળથી ખેંચતા આ દ્રશ્યો જોવા લોકોના ટોળેટોળા એકઠા થઇ જતા ટ્રાફિકજામના દ્રશ્યો સર્જાયા હતા. આ સમગ્ર ઘટના કોઈએ કેમેરામાં કેદ કરી લેતા આ બનાવનો વિડીયો સોશિયલ મિડિયામાં વાઈરલ થયો છે.