Gujarati News

રાજકોટઃ. રીક્ષાઓને રેલ્વે સ્ટેશનના કેમ્પસમાં પેસેન્જરને મુકવાની છૂટ આપવા કોંગ્રેસના પૂર્વ કોર્પોરેટર અતુલ રાજાણીએ રાજકોટ રેલ્વેના ડીઆરએમને પત્ર પાઠવી રજૂઆત કરી હતી.

આ અંગે પૂર્વ કોર્પોરેટરોએ પાઠવેલ પત્રમાં જણાવ્યુ હતુ કે, કોરોના પહેલા દરેક રીક્ષાવાળા રેલ્વેના પેસેન્જરને અંદર સુધી મુકવા આવતા હતા પરંતુ થોડા સમય પહેલા કોરોનાની મહામારી આવતા આ તમામ રીક્ષાવાળાઓને રેલ્વેના કેમ્પસની અંદર આવવાની આર.પી.એફ. દ્વારા મનાઈ કરવામાં આવેલ હોય જેના કારણે રેલ્વેમાં આવતા સીનીયર સીટીઝન, દિવ્યાંગ કે અન્ય કોઈ અન-ફીટ યાત્રીઓ કે જે ચાલી શકતા ન હોય તેવા વ્યકિતઓને રેલ્વે સ્ટેશનની બહાર સામાન લઈ જવુ ખૂબ મુશ્કેલ થતુ હોય તેમજ ઘણીવાર યાત્રી ટ્રેનના સમય પર પહોંચતા હોય તેઓ ઘણીવાર રીક્ષા અંદર સુધી ન  આવતા ટ્રેન મીસ કરવાનો વારો પણ આવતો હોય પરંતુ હાલના સંજોગોમાં કોરોનાની સ્થિતિ નિયંત્રણમાં હોય તેમજ પ્રાઈવેટ વાહનો કેમ્પસમાં આવતા જતા હોય છે, પરંતુ ફકત રીક્ષાવાળા જ આવી શકતા ન હોય તો આ સર્વે યાત્રીઓની સુખાકારીને ધ્યાને લઈ રીક્ષાવાળાને રેલ્વે સ્ટેશનના કેમ્પસમાં પેસેન્જરને તેડવા-મુકવા આવવા દેવાની મંજુરી આપવા પૂર્વ કોર્પોરેટર અતુલ રાજાણીએ માંગ કરી છે.